Ji bo zêdekirina hevrêziyê û baştirkirina asta xizmetiyan, encûmena bajarê Hesekê, bi beşdariya Rêveberiya Hêzên Ewlekariya Hundirîn hevdîtinên bi rêk û pêk bi serokê komîn û encûmenan re didomîne.
Beşdaran li ser mekanîzmayên hevrêziyê yên di navbera komînan û Hêzên Ewlekariya Hundirîn de û plana belavkirina mazota germkirinê ji bo amadekariya demsala zivistanê, û dabeşkirina aborî ya nû, ku dê piştgiriyek darayî ya zêdetir ji komînan re peyda bike, nîqaş kirin.
Hevserokê encûmenê, Farûq Tozo, tekez kir ku amadekariyên zû ji bo belavkirina mazotê ji bo dûrketina ji pirsgirêkên salên berê girîng in, û piştgiriya darayî ya nû dê beşdarî vejandina xebata civakî bibe.
Di heman demê de,Serokê Hêzên Ewlekariya Hundirîn Ciwan Ehmed girîngiya hevgirtina civakî ji bo pêşîgirtina li binpêkirinên ewlehiyê sûcan tekez kir, û banga hevkariyê di ragihandina her tevgerek gumanbar de kir.
Civîn bi guhdarkirina pêşniyarên beşdaran bi dawî bû, û tekezî li ser pêşkêşkirina wan ji aliyên peywendîdar re, ji bo çareseriyên bilez.
