Kordînasyona Jinan a Kantona Cizîrê civîneke berfireh li dar xist û tê de hevserokên deste û nivîsgehan, cîgirên jin û berpirsên ofîsên jinan ên gelek deste û saziyên girêdayî rêveberiya xweser li hev civiyan. Civînê bi armanca nirxandina pêşkeftina ofîsên jinan û lêkolînkirina riyên bilindkirina rola jinan di nava pêkhateyên rêveberî de.
Civîn bi xulekek rêzgirtina ji bo şehîdên xwe yên ku di rêya azadî û rûmeta civakê de canê xwe feda kirine destpê kir. Piştî vê yekê li ser mekanîzmayên karkirina ofîsên jinan û cewherê kar û erkên ku di gelek saziyan de hildigirin, pêşkêşiyek berfireh hate kirin.
Di civînê de tekezî li ser giringiya nirxandina demkî ya karkirina ofîsên jinan û pêwîstiya nûjenkirina şêwazên xebatê li gorî guhertinên civakî û siyasî hate kirin, herwiha tekezî li ser pêşxistina mekanîzmayên hevrêzî û ragihandinê di navbera ofîsan de ji bo bihêzkirina kargêriya saziyan hat kirin.
Her wiha cihekî berfireh ji bo guftûgoyê vekirî hate terxankirin, tê de beşdaran nêrîn û pêşniyarên li ser çawaniya aktîvkirina rola jinan di nava rêxistinan de û berfirehkirina beşdariya xwe di hemû waran de, bi taybetî di cihên biryardanê de, pevguherandin.
Di civînê de gelek pirsgirêkên ku jin di warê rêveberî û civakî de bi erka xwe radibin hatin guftûgo kirin. Gelek çareserî û pêşniyarên pratîkî ji bo çareserkirina van kêşeyan hatin pêşniyarkirin, di nav de dayîna perwerdehiya domdar, zêdekirina piştgiriya ji bo kadroyên jin, û xebat ji bo afirandina jîngehek sazûmanî ya berfirehtir û bihêztir.
