Rêveberiya Xweseriya Demokratîk a Herêma Bakur û Rojhilatê Sûriyeyê fikarên xwe yên kûr nîşan dide û bi tundî li hember rageşiya neheq a ku ji aliyên girêdayî Hikûmeta Demkî ya Sûriyeyê ya li Şamê ve tê kirin, şermezar dike, ji ber metirsiyên mezin ên ku ev rêbaz li ser şansê mayî yê aramî û aştiyê li welêt diafirîne.
Zêdetirî 15’ salan e ku gelê Sûriyeyê ji tirs, wêranî, kuştin û koçberiyê êş kişandiye û ji ber polîtîkayên zordarî û tundiyê yên ku ji aliyê rejîma hilweşiyayî ve hatine meşandin, bedelên giran dane. Îro jî, Sûrî, bi hemû pêkhateyên xwe, hîn jî li bendê ne ku rûpela şer vekin, bi rûmet û ewlehiyê bijîn û pêşerojek ava bikin ku bi aramî û aştiya sivîl were taybetmend kirin.
Di demekê de ku em pir hewcedarê hevgirtin û yekkirina hêzên xwe ne ji bo têkbirina bi pirsgirêkên hevpar re, destpêkirina şerên nû, an jî bikaranîna aloziyên leşkerî yên bêsedem, dê her pêvajoyeke siyasî ya cidî têk bibe, dê li bingehên aştiya sivîl bixe, û rewşa dabeşbûn û parçebûnê di navbera gelê Sûriyeyê de kûrtir bike.
Rêveberiya Xweseriya Demokratîk tekez dike, wekî ku di demên berê de gelek caran tekez kiriye, ku divê zimanê diyalog û nîqaşên berpirsiyar ji bo çareserkirina pirsgirêkên heyî di navbera hemû hêzên Sûriyeyê de serdest be, dûrî zimanê gef, şer û çekan, ku dê tenê bibe sedema xwînrijandin û wêraniyê, û ku tê de serketî û windaker tune be, lê belê welat û gelê Sûriyeyê dê bedela wê bidin, bi awayekî ku bi tevahî berevajî hêvî û armancên Sûriyeyê ye.
Di vê çarçoveyê de, Rêveberiya Xweser bang li hemû hêz û aktorên Sûriyeyê dike ku di redkirina gotinên nefretê û tehrîdê de yekgirtî bin, biratiya di navbera gelan de û nirxên jiyanê pêş bixin, û bi hev re ji bo Sûriyeyeke nenavendî bixebitin ku mafên hemû welatiyên xwe bê îstîsna garantî bike.
Rêveberiya Xweser her wiha bang li Hikûmeta Demkî ya Sûriyeyê dike ku di biryarên xwe de cidî û berpirsiyariyê nîşan bide, û danûstandin û çareseriyên siyasî li şûna zimanê şer û çekan bide pêşiyê, ji ber ku ev di berjewendiya gelê Sûriyeyê û yekîtiya welêt de ye.
Û tekez dikin ku em amade ye ku vegere nîqaşkirina hemî pirsgirêkan bi rêya diyalog û têgihîştinê, da ku xwînrijandina Sûriyeyê raweste û planên “parve bike û hukum bike” yên ku armanc dikin pevçûn di navbera Sûriyeyê de gur bikin, têk bibe.
Di demên dawî de, hin kanal û malperên îstîxbaratê agahdariyên derew li ser me û têkiliyên me bi welatên din re, bi taybetî bi Îranê re, belav dikin. Em tekez dikin ku xeteke me ya siyasî ya domdar heye, ku ew jî ew e ku di danûstandinên me yên bi hemî hikûmetan re, îradeya gel, jinan û mafên wan bidin pêşiyê. Ji ber vê yekê, helwesta me li ser tiştên ku li Îranê diqewimin pir zelal e. Em li dijî rejîma ku rojane jin û ciwanên Kurd, Ereb, El-belic û Faris darve dike ne. Em bawer dikin ku sîstemek demokratîk ku rêzê li mafên hemî pêkhateyan digire, tekane vebijarka rizgarkirina gelê Îranê ye.
Di encamê de, Rêveberiya Xweser bang li civaka navneteweyî û welatên têkildar bi pirsgirêka Sûriyeyê dike ku helwestên zelal û gavên cidî û bibandor bigirin da ku pêşî li gurkirina her şerekî nû li Sûriyeyê bigirin, û piştgirîya rêyên siyasî bikin ku bidawîanîna êşên gelê Sûriyeyê û bidestxistina aştiyeke mayînde garantî dikin.
Rêveberiya Xweseriya Demokratîk a Herêma Bakur û Rojhilatê Sûriyeyê
15/1/2026’an
