Di bin dirûşma “Hunerên Şêwekarî piran di navbera gelan de ava dikin”, Desteya Çandê ya Kantona Cizîrê bi hevkariya Komîna Wêneyê, pêşangeheke hunerî ya girîng li dar xist.
Ev çalakî roja Yekşemê, 21’ê Kanûna Pêşîn a sala 2025’an, li Navenda Mihemed Şêxo ya Çand û Hunerê li bajarê Qamişlo bi amadebûna hejmareke zêde ya huneran dest pê kir.
Di pêşangehê de 71 tabloyên hunerî yên cûrbecûr hatin nîşandan, ku ji aliyê komek hunermendên jin û mêr ve hatine amadekirin. Ev berhem bi reng û şêweyên xwe yên cuda, nirxên mirovahiyê û dewlemendiya çandî ya herêmê nîşan didin.
Di merasîma vekirinê de, Hevserokê Encûmena Cîbcîkar Hesen Şero û Hevseroka Encûmena Çandê Worba El-Fureyhat axivîn û bal kişandin ser rola hunerê di nêzîkkirina gelan de.
Ev pêşangeh ku dê sê rojan berdewam bike, armanc dike ku tevgera çandî li kantonê xurt bike û piştgiriyê bide hunermendan da ku afirîneriya xwe pêşkêşî civakê bikin. Bi vê gavê, Desteya Çandê hewl dide hunera şêwekarî hîn bêtir di nav gel de belav bike û bibe pira naskirina çandên cuda.
