Desteya Kar û Barên Civakî ya Kantona Cezîrê bi hevkariya Rêxistina Nodem formek diyalogê bi sere navê “Derfetên Bê Sînor” ji bo kesên xwedî pêdiviyên taybet lidarxist. Armanca wê ew e ku derfetên nû bo piştgiriya wan çêbike, hêzkirinê zêde bike û rêbazên nû ji bo tevlêbûna civakî veke.
Di formê de gelek sazî, kesayetî û saziyên herêmî yên ku bi pirsgirêkên kesên xwedî pêdiviyên taybet re têkildarin, beşdar bûn
Ev çalakî wekî destpêkeke kalîteyî hat nirxandin, ji ber ku şiyanên wan ronî kir û nîşandaya ka çawa dikarin bi rûniştinên diyalogê û pêşkêşkirinên înteraktîf xwedîkar bixin, modelên serkeftinê bibin û ji dijwariyan derbas bibin. Hin çîrokên kesên astengdar jî hatin nîşandan ku çawa karîbûn tirs û astengiyan bişkînin û projeyên xwe pêş bixin.
Pêşniyarên dawî yên formê ev bûn:
_Berfirehkirina bernameyên perwerdehiya pîşeyî li gorî şiyan û pêdiviyên kesên astengdar.
_Zêdekirina hevkariyê di navbera saziyan de da ku gihîştina xizmetên bingehîn hêsantir bibe.
_Destpêkirina kampanyên hişyariyê yên berdewam li ser maf û rola civakê di piştgiriya wan de.
_Pêşxistina binesaziya gihîştî li hundir navendên giştî da ku tevlîhevî û gihîştin hêsan bibe.
