Bi hatina werza Zivistanê û daketina pileya germahiyê re, bûyerên Astim û amasbûnê zêde dibin. Ev yek dibe sedema nexweşiyên bi taybetî li cem kesên bi temem mezin û zarok. Ji bo dermankirinê serdana nexweşxaneya gel bikin ji bo dermankirinê bi alava Astim. Ev rêbazek bi bandor e ji bo baştirkirina bihndanê û sivikirina nîşanên wê. Ev alav dermanên bêhnkirinê yên wekî (Salbutamol) û (CortiVent) rasterast digihîne rêyên hewayî, bi taybetî di rewşên rêncbûnê an jî tengbûna bêhnê, ji nexweşan rehetiyek bilez peyda dike û bêhindabê hêsan dike.
Dolovan Mistefa, berpirsiyarê beşê û endamekî karmendên bijîşkî li nexweşxaneya gel li Hesekê, dibêje, “Salbutamol” û “CortiVent”ji bo dermankirina astim û bêhna teng têne bikar anîn. Ew li gorî dozên ku ji hêla bijîşkê pispor ve têne destnîşankirin, ji nexweşên ji her temenî re têne dayîn.” Û her wiha wî destnîşan kir ku Salbutamol ji bo nexweşên dil nayê pêşniyar kirin, di heman demê de ev derman ji bo dermankirina rewşên ku ji ber kişandina kîmyewî an dûmana agir çêdibin jî têne bikar anîn, ji ber ku ew dikarin rêyên hewayê bi lez vekin.
Dermankirina bê pere bi piştgiriya Desteya Tenduristiyê li Cezîrê
Hemû rûniştinên dermankirina bi alava Astim, digel dermanên ku têne bikar anîn, ji nexweşan re li nexweşxaneya gel bê pere têne peyda kirin. Ev bi piştgiriya rasterast a Desteya Tenduristiyê ya Cizîreyê tê kirin, ku piştgiriya lojîstîkî û bijîşkî berdewam dike da ku xizmetên bingehîn ji bo gel re misoger bike, nemaze di ronahiya şert û mercên aborî yên dijwar ên ku herêm pê re rû bi rû ye.
Karmendên nexweşxaneyê ev destpêşxerî pesinandin, û tekez kirin ku ew bi girîngî beşdarî sivikkirina barê li ser nexweşan û dabînkirina dermankirinek bilez û bibandor ji bo kesên ku herî zêde hewcedar in dibe.
Di dawiya gotinên xwe de, Mistefa girîngiya şêwirîna bi bijîşk re berî bikaranîna yek ji van dermanan tekez kir û got, “Wekî saziyeke bijîşkî, em tekez dikin ku berî destpêkirina her dermankirinê divê bi bijîşkên pispor re şêwir bikin, da ku ewlehiya nexweşan were misogerkirin û ji her tevliheviyek tenduristiyê dûr bikevin.”
