Navenda pembû ya li Hesekê, ku girêdayî saziya giştî ya Pembû li bakûr û rojhilatê Sûriya ye, pembû ji cotkaran werdigre. Di destpêka pêvajoyê ya 27ê Îlonê de heta niha mîqdara wergirtî gihaştiye 14,300 tonî. Pembû, ku ji hêla Rêveberiya Xweser a bakûr û rojhilatê Sûriya ve destnîşan bû bi bihayê 600$ ji bo yek ton, ji cotkaran tê kirîn. Amanca vê fermanê, piştgiriya sektora çandiniyê û misogerkirina bazarkirina dadperwer a berhemê ye.
Mustafa Îbrahîm, hevserokê saziya giştî ya Pembû, ji Ofîsa Ragihandinê ya Kantona Cizîrê re ragihand ku, “Piştî ku pembû li ser sîstemeke pileya pejirandî hate veqetandin bo misogerkirina kalîteya berhemê berî kirîna dawî, dest bi wergirtina wê kiriye.”
Îbrahîm ragihand ku pêvajoya wergirtinê dê berdewam bike heta ku tevahiya mîqdara ku ji hêla cotkaran ve tê hilberandin were kirîn. Wî destnîşan kir ku korporasyon hewl dide ku hawîrdorek bazarkirinê ya dadperwer ava bike, ku mafên hilberîneran biparêze û wan teşwîq bike ku çandina pembû bidomînin.
Wî ragihand ku karmendên saziyê berî destpêkirina werzê li kargeha çêkirina pembû ya Hesekê korseke perwerdehiyê dîtin. Armanca vê perwerdehiyê, perwerdekirina karkeran li ser pisporî û jimarparêzî ye, da ku bi mekanîzmayên wergirtin û şopandina operasyonên rast, temamkirina karê bêkêmasî bibe.
Mîqdarên ku ji deverên cuda yên Kantona Cezîrê tê wergirtin, digihîjin Navenda Hesekê. Têgihiştin heye ku di rojên pêş de ev hejmar dê zêde bibe.
