Di çarçoveya kampaneya ku ji aliyê Navenda Şêwirmendiya Derûnî ya Şehîd Amara ve di bin dirûşmeya “Tenduristiya we ya derûnî emanet e… Xedî lê derkevin” de hatiye destpêkirin, broşûrên hişyariyê li bajarên Rmêlan û Qamişlo li gel hatin belavkirin.
Ev kampane bi armanca hişyarkirina li ser girîngiya tenduristiya derûnî û çawaniya lênêrîna wê hate destpêkirin.
Kampaneyê her wiha semînerên hişyarkirinê li gelek sazî û navendên civakî, di nav wan de Encûmena Cîbcîkar a li Amûdê, Navenda “Êrîş” ji bo Kesên bi Pêdiviyên Taybet li Qamişlo, Saziya Çandiniyê li Til Temrê, Saziya Malbatên Şehîdan û Mala Jinan li Til Temrê, û Dayingeha Cîhana Zarokan li Rimêlanê, jî di nav xwe de girt.
Ev çalakî beşek ji hewildanên Navenda Şehîda Amara ne, ku girêdayî Desteya Jinan a Kantona Cezîrê ye, ji bo bilindkirina hişmendiya civakê li ser girîngiya tenduristiya derûnî, nemaze di jîngeh û saziyên ku xizmetên civakî û mirovî peyda dikin.
