Di pêngavekê de ku yekem car li Kantona Cezîrê ji vî curî pêk tê, Encûmena Dadweriya Civakî bi hevkariya Rêxistina Parastina Zarokan a Kurdistanê, îro li bajarê Qamişlo Dîwanek Dadweriya Civakî ji bo zarokan vekir.
Armanca projeyê, ku dada civakî di warên dada zarok û bûyeran de ava bike, di heman demê dabînkirina bernameyên çaksazî û rehabîlîtasyonê ku beşdarî ji nû ve bicîhbûna wan a erênî û avaker di nav civakê de dibin.
Di vekirinê de nûnerên rêxistinên dada civakî, rêxistina Kongra Star, Encûmena Malbatên Şehîdan, rêxistinên civaka sivîl û endamên Hêzên Ewlekariya Hundirîn amade bûn.
Vekirin bi xulekek bêdengiyê ji bo giyanên şehîdan dest pê kir.
Piştre, endamê hevserokatiya Encûmena Dada Civakî ya Rêveberiya Xweser a Bakûr û Rojhilatê Sûriyeyê, Nebîl Cawîş, gotarek pêşkêş kir û girîngiya vekirina Dîwana zarokan destnîşan kir, ji ber ku ew bersivê dide hewcedariya civakê bi saziyên zagonî yên pispor ku taybetmendiyên dozên zarokan çareser dikin û li gorî prensîbên dada sererastkirinê yên ku ji hêla Rêveberiya Xweser ve hatine pejirandin in.
Ji aliyê xwe ve, hevserokê Encûmena Dadweriya Civakî li Kantona Cezîrê Atiya El-Na’me, di axaftina xwe de tekezî li ser rola wan wekî dadwer, parêzer û rêxistinên civaka sivîl kir ku bi hev re dixebitin da ku ev dadgeh bibe “cihek ji bo sererastkirinê, ne ji bo tewanbariyê”, û ku “perwerde û lênêrîn rêya herî bibandor a ber bi dadê ve ne.”
Ji aliyê xwe ve, rêveberê ofîsa Rêxistina Parastina Zarokan a Kurdistanê li Qamişlo, Birêz Xelef Ebdul Barî, girîngiya vê gavê ji bo pêkanîna dadê ji bo sûcdarên ciwan destnîşan kir. Wî destnîşan kir ku Dîwana Parastina zarokan dê sûdê bide bi sedan zarokan, ji ber ku ew wekî navendeke rehabîlîtasyonê bi kapasîteya 60 bûyeran kar dike. Wî zêde kir, “Hebûna dadgeheke taybet a ciwanan û navendeke rehabîlîtasyonê dê di bicîhanîna zagona ciwanan de cûdahiyek girîng çêbike.”
Di dawiyê de, Şêwirmendê Yasayî yê Hêzên Ewlekariya Hundirîn Si’ûd Dawûd tekezî li ser pabendbûna hêzên ewlehiyê ji bo cîbicîkirina zagonê ji bo misogerkirina parastina mafên zarokan.
Çalakî bi birîna şerîtê bi boneya vekirina Ofîsa Dada Civakî ya Parastina ciwanan, ji aliyê Semîra Xelîl, endama Encûmena Malbatên Şehîdan ve, bi dawî bû.
16ê Îlona 2025an
