Encûmena Jin a Dadmendiya Civakî li Kantona Cizîrê îro Şemiyê civîna xwe ya salane li dar xist. Di civînê de nûnerên Malên Jin, Hêzên Ewlekariya Hundirîn, tevgerên jinan, nûnerên komîteyên lihevanînê û Encûmena Dadmendiya Civakî ya Bakur û Rojhilatê Sûriyê amade bûn.
Piştî xulekeka rêzgirtinê rêdanên rêber Ebdullah Ocalan hatin xwendin ku tê de bal hatibû kişandin ser bilindkirina asta têkoşînê li dijî binpêkirinên li ser jinan.
Di civînê de raporên salane yên rewşa civakî û rêxistinî, her wiha hejmara dozên ku hatine dîwanên dadweriyê hatin nirxandin. Di dawiyê de amadebûyan li ser kêmasiyên kar û rewşa jinan a li herêmê nîqaşên berfireh kirin.
Encamnameya civîna salane ya Encûmena Jin a Dadmendiya Civakî:
1_Zêdekirina kursên perwerde û hişmendiyê bi hevkariya saziyên têkildar.
2_Dabînkirina piştgiriya yasayî ji bo têkoşîna li dijî tundiyê û zewaca di temenê biçûk de.
3_Kirina xwendinê wekî mecbûrî di dibistanan de.
4_Dayîna semînerên hişyarkirinê ji bo zarokên di temenê biçûk de li dibistanan.
5_Dayîna semînerên hişyarkirinê li ser mijara azadiya kesayetî.
6_Piştgiriya derûnî û civakî ji bo jinan û peydakirina dermankirina pispor ji bo rêgirtina li ber xwekuştinê.
7_Dayîna semînerên hişyarkirinê li ser metirsiyên madeyên hişbir û bandora wê li ser civakê.
8_Avakirina projeyên aborî ji bo piştgiriya jinan.
9_Guhertin û sererastkirina zagona Malbatê.
10_Dagirtina valahiyên kar ji aliyê jinan ve di nav saziyên dadweriyê de.
11_Dayîna semîneran li ser pêşxistina jêhatîbûnên kesayetî.
12_Li dar xistina rûniştinên şêwirmendiya malbatî bi alîkariya pisporan ji bo çareserkirina nakokiyên hevjîniyê.
13_Belavkirina zagona têkildarî sûcên şantajên elektronîk.
14_Organîzekirina kursên perwerdeyê yên hevbeş di navbera Malên Jinan, komîteyên dadweriyê, komîteyên lihevanînê û dîwanên dadweriyê de li ser zagona malbatê.
15_Girîngiya vekirina navendên parastinê yên demkî ji bo jinan.
16_Dayîna kursên perwerdeyê li ser zagona Cezayên têkildarî jinan, ku ji asta komînan dest pê dike.
