Di çarçoveya pêşxistina xizmetiyên bingehîn û baştirkirina rewşa avê li herêmê, Şaredariya Gel a bajarê Dirbêsiyê li Kantona Cezîrê bi hevrêziya Gerenîndeya Avê komek projeyên xizmetiyê pêk anî.
Karê herî berbiçav nûjenkirina hin bîrên zirardar, sazkirina panalên rojê li ser bîrek li gundê Mislim û bîrek din li gundê Ebû Kala bû.
Her wiha projeyek ji bo nûjenkirin û parastina bîra santrala elektrîkê, ji bilî çêkirina bîra ku li gulîstana Şehîd Zavîn a bajarê Dirbêsiyê ye, bi rêya parastina pompeyan û dabînkirina pêdiviyên teknîkî yên pêwîst ji bo dabînkirina avê ji gelan re, hate bicîhanîn.
Armanca van projeyan baştirkirina binesaziyê û zêdekirina berdewamiya xizmetiyên avê ye, wekî beşek ji plana Şaredariya Gel ji bo bidestxistina domdariyê û dabînkirina pêdiviyên gelan.
