Komîteya hevbeş a ku ji aliyê encûmena bajarê Hesekê ve hatiye avakirin, ku ji nûnerên rêveberiya jîngehê, şaredariya gel, hêzên ewlekariya hundirîn, hêzên parastina jîngehê yên Cezîrê û komîteya çandiniyê ya bajarê Hesekê pêk tê.dest bi kirdariyên tund li dijî cotkarên ku erdê xwe bi ava karîzan a çemê Xabûr û Ceqceq av didin kiriye.Armanca vê kampê, belavbûna nexweşî û gemarên ku ji sebze û berhemên ava qirêj têne avdan sînor bike. Û hewldana gihandina xwarina bi ewle ji bo gel.
Rovend Ebdo hevseroka rêveberiya jîngehê, rave kir ku komîteyê berî heyvekê hişyarî da cotkaran ku dev ji bikaranîna ava qirêj ji bo avdanê berdin lê belê gelek cotkaran guh nedan hişyariyan.
Di gera dawî de, komîteyê nêzîkî 12 donim erdên ne zagonî cot kir û ji xwediyên erd xwest ku jêneratorên ku li kêleka çem hatine danîn ji bo pombekirina ava karîzan têne bikar anîn rakin.
Ebdo tekez kir ku ev kampane dê berdewam bike û dê bi rêze civînên hişyarkirinê yên bi encûmen û komînan re li deverên ku binpêkirin pir in, bi armanca zêdekirina hişmendiyê li ser metirsiya ku ev kiryar li ser tendrustiya giştî û jîngehê çêdikin, bi dawî kir.
