Şaredariya gel a bajarê Hesekê ku li ser bingeha biryarek berê ya ji aliyê encûmena Cîbcîkar a Kantona Cezîrê ve hatiye dayin dest bi sîstema belavkirina nanê rojane kiriye ku ji ber kêmbûna ard demekê hatibû rawestandin.Ebd el_Kerîm Suweylh, endamê komîteya aborî ya encûmena bajarê Hesekê rave kir ku piştî serjimariya berfireh a ku zêdetirî du heyvên borî li bajar hatiye kirin, piştî astengiyên lojîstîk hatin derbaskirin û miqdarên têr ên ard hatin dabînkirin biryar pêk hat.
Li gorî sîstema nû, belavkirina rojane ji bo malbatên ku ji 1 heya 5 kesan kultek nan, du kult nan ji bo malbatên ji 6 heta 10 kesan, û sê kult nan ji bo malbatên ji 10 kesan zêdetir.Lê ji bo nirxdayinê, nirxê kulta nan 3000 lîreyên Sûrî ye.
Ev operasyon bû sedema şopandina mîqdarên berdest û tespîtkirina hejmarek binpêkirinan, ku rê da encumenê ku bi qasî 7 ton ard peyda bike, ku têra destpêkirina mekanîzmaya belavkirinê ya nû dike.
Suweyleh destnîşan kir ku pêkanîn bi rastî roja şemiya borî dest pê kir, piraniya taxên bajêr vedihewîne, rêjeya pêkanînê di navbera 80 û 85 ji sedî de ye, tevî hin astengiyên ku encumen rastî wan hat, wekî redkirina beşdarbûnê ji hêla hin rayedarên herêmî ve ji ber rêjeyên qezencê yên kêm. Û got ku ard bi têra xwe peyda bibe dê kultê malbatê biçûk zêdetir bike.
Suweylh di dawiya axaftina xwe de tekezî li ser amadebûna komîteya aborî kir ji bo wergirtina giliyên gel û bersivdayina wan a bi lez, û bang li gel kir ku ji bo serkeftina vê gavê ku dê ewlehiya xwarinê zêde bike û kalîteya xizmetên rojane li bajêr baştir bike, hevkariyê bikin.
