Wekî beşek ji planeke berfireh a ku ji hêla Rêveberiya Xweser a bakur û rojhilatê Sûriyeyê ve, bi hevkariya Şaredariya gel ji bo piştgiriya sektora xizmetiya giştî, pêşxistina binesaziya xizmetî û baştirkirina rastiya hawîrdora jîngeha bajêr, şaredariya gel a bajarê Hesekê li Kantona Cezîrê îro 20 makanîzmeyên xizmetê yên nû ku ji 8 kamyonên balgir, 6 barkêş, 2 tirêkis, 2 embare, 2 bobcat û kamyonên “kabsat” ji bo berhevkirin û veguhestina bermahiyan pêk dihat di daxuyaniyek fermî de li taxa Xiwêran li nêzî qada panorama radestkirin.
Hevserokê Şaredariya Gel a Hesekê, Macid Isma’îl, diyar kir ku wergirtina van makanîzmeyan ji ber pêdiviya lezgîn a ji ber xirabûn û zirara alavên kevin pêk hatiye. Û tekez kir ku hevrêziya bi Rêveberiya Xweser re li gorî pêdiviyên hemî sektorên şaredariyê, bi taybetî sektorên paqijiyê û xizmetên endezyariyê ye. Û diyar kir ku ev gav dê bandorek raste rast li ser baştirkirina paqijiya giştî dike û bang li niştecihan kir ku berheman bi awayekî bê ser û ber navêjin û bi demijmêrên diyarkirî yên makanîzmeyên paqijiyê pabend bin.
Ji aliyê xwe ve, hevserokê encûmena Bajarê Hesekê, Farûq Tozo,tekez kir ku vekişîna saziyên rejîmê ji bajêr bi zexteke mezin li ser şaredariyan re çêbûye, ji ber ku çavkaniyên wan ên sînorkirî hene. Wî zêde kir ku mekanîzmayên nû dê bibin alîkar ku bar kêm bibin û kalîteya xizmetên ku ji niştecihan re têne peyda kirin baştir bikin.
