Daristanên peravên Sûriyê rastî karesateke jîngehî zehmet tên ku ji ber şewatên dubare yên ku deverên berfireh ên şînatiyê dişewitînin û wêraneke berfire di jîngeha xwezayî çêdikin her wiha aloziyên avhewa û aborî ku welat ji beriya zêdetirî deh salan ve zehmetiyan ji ber wan dibîne, girantir dibin.

Ji destpêka aloziya Sûriyê di sala 2011`an de, para jîngehê ji wêrankirina nerasterast a herî mezin bû. Di encama operasyonên leşkerî û bombebarana bêserûber rûberên berfireh ji daristanên berfireh wêran kirine her wiha şert û mercên şer, êrîş û tunebûna çavkaniyên darayî û teknîkî jî lawaziya sîstema jîngehî zêdetir kiriye.

Şewatên bi zanebûn ên ku daristanên peravê wêran dikin ne tenê karesatek xwezayî ne lê belê ew ji şerê ku Sûriyê wêran kir ne kêmtir e. Ev şewat bandoreke rasterast li jiyana civakî dikin, ji koçberkirina şêniyan ji gund û malên wan heta wêrankirina jîngeh û jiyana xwezayî.

Em di Desteya Jîngehê ya Rêveberiya Xweseriya Demokratîk a Herêma Bakur û Rojhilatê Sûriyê de di vê êş û karesatê de bi we re ne. Her wiha em sersaxiyê ji şêniyên xwe yê li herêmên dişewitin re dixwazin û tekeziyê li ser amadebûna xwe ya ji bo pêşkêşkirina hemû cûreyên alîkariyê, li gorî derfetên me yên heyî ji bo vemirandina van şewatan û pêştgiriya xwe ji bo rêgirtina li pêşiya mezinbûna vê karesata jîngehê, dikin.

Di çarçoveya vê rewşa bi êş em bang li civaka navneteweyî û rêxistinên jîngehê dikin ku ji bo parastina daristanan û rêgirtina li dubarebûna şewatan bibin alîkar. Ji ber parastina jîngehê êdî ne luksek e lê belêgirîngiyeke jiyanî girêdayî tenduristiya mirovan û pêşeroja nifşên pêşerojê ye.

Desteya Jîngehê ya Rêveberiya Xweseriya Demokratîk a Herêma Bakur û Rojhilatê Sûriyê

8`ê Tîrmeha 2025`an