Li baregeha Şaredariya Gel a li Hesekê, bi serokatiya hevserokatiya şaredariyê, civînek berfireh ji bo avakirina komîteyek teknîkî ya bilind ji bo çavdêriya rêxistina bajêr hate lidarxistin.
Civîn bi kêliyek bêdengiyê ji bo rêzgirtina şehîdan dest pê kir. Nûnerên Yekîtiya Endezyaran, Encûmena Aborî û Çandiniyê, Yekîtiya Ofîsên Milkê, Encûmena Bajarê Hesekê, Yekîtiya Pîvandêran, Encûmena Tefadem û Şaredariya Gel a li Hesekê beşdarî civînê bûn.
Di civînê de li ser çend xalên têkildarî karûbarên rêxistinî yên bajêr, di nav de, ya herî girîng, tevlîkirina deverên li derveyî pergala plansaziya bajêr, nîqaş hatin kirin. Li bajarê Hesekê jî komîteyek teknîkî ya bilind hate avakirin, ku ji 11 endaman pêk tê. Komîte ji nûnerên Yekîtiya Endezyaran, Encûmena Aborî û Çandiniyê, Ofîsên Milkê û Beşa Teknîkî ya Şaredariyê pêk tê.
Civîna yekem a komîteya damezrandî ji bo 24ê vê mehê hatiye plankirin.
