Rêkxera Giştî ya Jinan a Rêveberiya Xweser a Kantona Cizîrê civîneke berfireh bi beşdarbûna endamên Encûmena Gel, hevserokên hevbeş yên desteyan, cîgir û nûnerên ofîsên jinan ên di Encûmena Cîbcîkar û endamên Encûmena Dadê ya Jinê li dar xist.
Civîn bi xulekek rêzgirtina ji bo şehîdan dest pê kir. Paşê rapor û planên kar hatin pêşkêşkirin, û çendîn babetên girêdayî bi hêzkirin û birêxistinkirina rola jinan, bilindkirina hişyariya li ser pirsgirêkên jinan, tekezî li ser cîbicîkirin û ravekirina yasaya malbatê, û gotûbêjkirina riyên kêmkirina diyardeyên civakî yên ku gefan li jinan dixwe, hatin gotûbêjkirin.
Civîn bi komek pêşniyar û encamên ku herî girîng ev in bi dawî bû:
- Rêxistinkirina kargên perwerdeyê û peydakirina derfetên kar ji bo jinan li kampan û piştgirîkirina projeyên jiyanê.
- Bi hêzkirina jinan di warê ragihandinê de û bihêzkirina rola wan a rêbertiyê.
- Destpêkirina programên perwerdehiya elektronîkî û şarezayiyê ji bo karmendên jin di ofîs û dezgehan de.
- Piştgiriya perwerdeya bi zimanê Kurdî bi hemahengî ligel ofîsên perwerdeyê.
- Belavkirina têgînên serokatiya hevbeş, neteweya demokratîk û peymana civakî.
- Vekirina navendeke nû ya parastina jinan li Bakûr û Rojhilatê Sûriyê.
- Derxistina yasaya taybet li ser tawanên înternetê.
- Piştgiriya jinên xwedî pêdiviyên taybet.
- Rêkxistina kargeh û dersên li ser yasaya malbatî û dadweriya veguhêz.
Di dawiya gotûbêjên xwe de, civînê tekezî li ser pêwîstiya amadekirina yasayekê bo rûbirûbûna tawanên înternetî û destpêkirina bernameyeke berfereh ji bo bilindkirina hişyariya civakê bi riya atolyeyên cûrbicûr bi armanca bihêzkirina jinan di warên cuda de.
