Şaredariya Gel a Hesekê li Kantona Cizîrê, xebatên xwe yên paqijkirin û vekirina çelên baranê, rîkar û tora kanalîzasyonê bi berfirehî didomîne, da ku hemû astengiyên di torê de rakin û herikîna avê piştî barîna baranê hêsan bikin.
Ev xebat bi rêya tîmên beşa kanalîzasyonê li taxa Kelaseyê û li kolan û bazarên giştî yên bajêr hatin meşandin, ku tê de gemar û bermahiyên di nav kûpên avê de hatibûn komkirin hatin derxistin, ev yek dibe alîkar ku pirsgirêkên jîngehî û bêhnên nebaş kêm bibin.
Şaredariya Gel tekez kir ku ev kampane di çarçoveya planeke xizmetguzariyê ya giştî de ye û li hemû taxên bajêr li gorî pêwîstiyan tê meşandin, da ku di sala baranê de tora kanalîzasyonê bi awayekî çalak bixebite û tu astengî ji gel re çênebin.
