Bi navê Rêveberiya Xweseriya Demokratîk a Kantona Cizîrê, em pîrozbahiyên xwe pêşkêşî hemû gelên cîhanê û bi taybetî gelê Sûriyeyê dikin. Em hêvî dikin ku sala nû bibe sala xêr, aştî û hêviyê ji bo her kesî.
Em di vê boneyê de careke din tekez dikin ku em ê ji bo avakirina Sûriyeyeke demokratîk, piralî û ne navendî bixebitin. Armanca me pêkanîna hêviyên şehîdan û daxwazên gelê me ye, ku hemû Sûrî bi çand, ol û nasnameyên xwe yên cuda, di bin sîwana yekîtiya niştimanî de bi hev re bijîn. Ev yek jî bi hevgirtina civakê û rakirina bandorên şer û wan êşên ku welatê me wêran kirine pêkan e.
Her wiha, em rola jinan wekî stûna sereke ya avakirina civakê û xurtkirina yekîtiyê dibînin. Pêşketin û dad bêyî azadî û pêşengiya jinan di hemû qadên jiyanê de nabe.
Em girîngiya vegera koçber û penaberan bo ser cih û warên wan jî tekez dikin, divê jîngeheke ewle û aram ji bo wan bê dabînkirin da ku her welatiyek di welatê xwe de bi rûmet bijî.
Werin em bi hev re, di sala nû de hêvî û armancên gelê xwe pêk bînin û Sûriyeyê bikin welatekî ewle û demokratîk ku hemû zarokên xwe hembêz dike.
Sersala we pîroz be.
