Salek di ser koçberiya bi darê zorê ya şêniyên Efrîn û Şehbayê re derbas bû, ku bi sed hezaran ji gelê me neçar man ku ji malên xwe derkevin û di Kanûna 2024`an de ber bi herêmên Bakur û Rojhilatê Sûriyê ve biçin.
Ji 2018`an ve dema Efrîn û Şehbayê hatin dagirkirin, şêniyên Efrîn û Şehbayê rastî rêze êrîş û binpêkirinên sîstematîk hatin. Ji ber komên çekdar hemû cureyên tacîz, êrîş, koçberkirin û desteserkirina mal û milkên wan, ev yek binpêkirineke berçav ji hemû nirxên mirovahî û pîvanên navneteweyî ye.
Ev binpêkirin heta roja îro jî di çarçoveya hikumeta demikî ya Sûriyê nikare wan komên çete bixe bin kontrola xwe de ya jî ew ji tişta ku diqewime razî ye. Ev jî êşa şêniyên me yên birîndar vekirî dihêle û baş nebûye.
Tevî hemû guhertinên ku piştî hilweşandina rejîma Baasê di qada Sûriyê de çêbûne, hîn jî destûr nehatiye dayîn ku şêniyên Efrîn, Şehba, Serêkaniyê, Girê Spî û herêmên din ên Sûriyê bi awayekî ewlehî vegerin mal, zevî û bajarên xwe. Ev rastî tevgereke niştîmanî û navneteweyî dixwaze ji bo misogerkirina mafê vegerê, rawestandina binpêkirinan û misogerkirina jiyaneke bi rûmet ji hemû gelê Sûriyê re.
Rêveberiya Xweseriya Demokratîk a Herêma Bakur û Rojhilatê Sûriyê tekez dike ku ew mijara koçberan dixe pêşiya her tiştî de û di hevdîtinên xwe de yên bi hêzên siyasî, civakî û navneteweyî re her tim nîqaş dike. Ji ber ew mijareke navendî ye ku bêyî wê aştî û aramiya li Sûriyê nayê bidestxistin, ji ber vegera ewle, rakirina dagirkeriyê û rawestandina binpêkirinan pir girîng in.
Şertekên bingehîne ji bo jinûve baweriyê di navbera pêkhateyên gelê Sûriyê de ava bike. Her wiha em bang li civaka navneteweyî, rêxistin, saziyên wê û dewletên ku bandora wan di dosyaya Sûriyê de heye ku rewşên baş ava bikin da ku koçberên bi darê zorê li warê xwe vegerin.
Her wiha, em îro dibînin ku rewşeke gotinên nefretê, tevlîhevî û handana tundiyê rû didin, ev yek ji aliyê platformên ragihandinê û axaftinên siyasî ve di xwepêşandanên ku li ber çavên rayedarên hikumeta demikî li Şamê têne lidarxistin, têne gurkirin ku ew jî dixwazin nefret û tevlîheviyê di navbera pêkhateyên gelê Sûriyê de, derxînin.
Ev yek projeya avakirina Sûriyeke nû li ser esasê demokratîk, edaleta civakî û jiyana hevbeş asteng dike. Berdewamiya vê rêbazê tenê dê xizmeta dijminên aştiyê bike û tenê dê bibe sedema dirêjkirina alozî û belavbûna gelê Sûriyê. Ji ber vê yekê divê hikumeta demikî ya li Şamê helwesta xwe li hember tevlîhevî û nefretê nîşan bide û her kesê ku beşdarî van kiryarên ku hevgirtina gelê Sûriyê asteng dike, hesab jê were xwestin.
Di dawiyê de, Rêveberiya Xweseriya Demokratîk a Herêma Bakur û Rojhilatê Sûriyê piştrast dike ku pêkanîna armancên Şoreşa Sûriyê ji misogerkirina vegera ewle ya koçberan ji malên wan re û vekirina deriyê diyaloga Sûrî – Sûrî yê rast dûrî dûrxistin, paşguhkirin heta avakirina Sûriyeke demokratîk nenavendî ku mafên hemû pêkhateyan bêyî cûdahî garantî dike, dest pê dike.
Bijî berxwedana gelê me û azadî û rûmet ji hemû gelê Sûriyê re.
