Li gorî biryara hejmar (661) ya ji aliyê Desteya Aborî û Çandiniyê ya Herêma Bakur û Rojhilatê Sûriyê, planek berfireh hate amade kirin da ku sektorê seweldariyê pêşve bîne û ewlehiya xwarinê li herêmê zêde bike. Ev plan pêdivî ye ku hemû kirdarên pêwîst were hevkariya da ku serjimêriya seweldariyê di hemû deverên herêmê pêk bîne.
Ev serjimêrî beşek ji hewildanên bi armanca:
1- Danîna destûrek rast û nûjen li ser hejmar û cureyên seweldariyê li herêmê.
2- Li gorî daneyên zanistî yên rast, beşdarbûn di plansazkirina projeyên çandinî û ajalan ên pêşerojê de.
3-Xurtkirina çavdêriya tevgera seweldariyê û rêkxistina pêvajoyên çandinî û hilberînê.
4- Piştgiriya xwedîkerên ajalan û cotkaran bi rêya bernameyên piştgiriyê yên baş-plansazkirî yên li ser bingeha daneyên rastîn.
Duh10 mijdara 2025an de, Encûmena Aborî û Çandiniyê ya Kantona Cezîrê civînêk li Qamişlo lidarxist û di vê civînê de, Encûmen û Desteya Kar û barên civakî komîteyên çandinî û seweldariyê, yekîtiya cotkaran û komîteya serjimariyî û plankirinê amade bûn, mekanîzmayên berêvebirina statîstîkan nîqş kirin.
Di civînê de, rêziknameyên ji bo çêkirina rêkeftina meydanî hatin danîn, ku ev xal di nav xwe de digirin:
1-Avakirina komîteyên serjimariyê li hemû navçe û bajarokan.
2-Perwerdekirina karmendên meydanî li ser mekanîzmeyan kar û belgekirina elektronîkî.
3- Danîna tabloyek demî bo destpêkirin û temamkirina kar.
4-Pejirandina formên serjimariyê yên yekgirtî ji bo pêşveçûna agahiyên pêwîst.
Ev serjimêrî bi armanca nûjenkirina daneyên aboriya çandiniyê li herêmê, baştirkirina plansaziya stratejîk di warê hilberîna lawiran de û baştirkirina karîgeriya rêveberiya çavkaniyên xwezayî tê kirin.
Encûmena Aborî û Çandinîyê ya Kantona Cezîrê piştrast kir ku ev serjimêrî gaveke stratejîk e ber bi pêşxistina binesaziya çandinî û Seweldariyên li Kantonê ye, û heweskariya rayedaran ji bo pejirandina bingehên zanistî û îstatîstîkî yên rast di pêşxistina planên pêşerojê de yên ku armanc dikin xizmetkirina cotkar, xwedîkarên ajalan û sektora aborî bi giştî nîşan dide.
