Rêveberiya Trafîkê li kantona Cezîrê, bi hevrêziya Hêzên Ewlekariya Hundirîn, di çarçoveya xebata xwe ya berdewam de ji bo misogerkirina ewlehiya welatiyan û rêkxistina trafîkê, cîbicîkirina qanûn û rêziknameyên trafîkê didomîne
Di dewriyeyên rojane de, hejmarek otomobêl ji ber binpêkirina rêziknameyan ji ber nerakirina çirayên Zînon û camên tarî (Fêmê) hatin seknandin, ji bilî seknandina hejmarek motorsîkletên ku ji hêla kesên temenbiçûk û kesên din ve dihatin ajotin û şertên ewlehiya giştî yên wekî nebûna çirayan li ber çavan negirtin, û her weha motorsîkletên ku xwediyên wan stunt dikirin û bi bêhişmendî diajotin, ewlehiya peyayan tehdît dikirin
Desteya Hundirîn a kantona Cezîrê tekez dike ku pabendbûna bi qanûnên trafîkê berpirsiyariyeke hevbeş di navbera rayedarên peywendîdar û welatiyan de ye, û ji hemî ajokaran dixwaze ku ji bo ewlehiya xwe û ewlehiya yên din, rênima û rêziknameyan bişopînin
Rêveberiya Trafîkê li hemî bajar û bajarokên kantona Cezîrê operasyonên xwe yên birêkûpêk didomîne da ku herikîna trafîkê ya bê pirsgirêk û bicîhanîna bi bandor a qanûnên trafîkê misoger bike.
