Desteya Çand û Hunerê ya Kantona Cezîrê çalakiyên 2’emîn Festîvala Çanda Neteweya Demokratîk li gundê Girê Mozan ê girêdayî bajarê Amûdê di bin dirûşmeya”Bi cihêrengiya çandên xwe, em ê Sûriyek e demokratîk ava bikin”, lidarxist. Ji serê sibehê ve, bi sedan malbat ji herêma Cezîrê, ji pêkahateyên cûda, bi cilên xwe yên folklorîk, beşdarî festîvalê bûn.
Festîval ji çar konên sereke pêk dihat, her yek ji wan ji bo nîşandana çanda yek ji pêkhateyên herêmê: Kurd, Ereb, Suryanî û Ermenî, hatibû veqetandin, ku li wir mînakên mîrat û hunerên gelêrî yên wan hatin nîşandan.
Şandeyek ji Rêveberiya Xweseriya Demokratîk a Kantona Cezîrê, bi nûnertiya hevserokên her sê encûmenan, hevserokên deste û ofîs û şêwirmendên Rêveberiya Xweser, beşdarî festîvalê bû.
Di festîvalê de, hevserokê Encûmena Cîbcîkar a Kantona Cezîrê, Birêz Hesen Şero, gotarek pêşkêş kir û tê de bi xêr hatina beşdaran kir û girîngiya van çalakiyan di xurtkirina nirxên biratî û jiyana hevbeş di navbera gelên herêmê de destnîşan kir.
Firyal Çûlî, hevseroka Desteya Çandê, gotarek pêşkêş kir û tê de danasîna cihê Girê Mozan kir, ji bilî pêşkêşkirina armanc û bernameya festîvalê di çapa wê ya duyemîn de.
Çalakî pêşangehên mîrasî, pirtûkên dîrokî û çandî, xebatê destan, xwarinên gelêrî û pêşandanên modayê yên folklorîk ji bo komên cûda dihewîne.
Festîval bi pêşkêşkirina govendên gelêrî li gorî awazên stranên kevneşopî yên ku cihêrengiya çandên herêmê temsîl dikin, û her weha pêşkêşkirina siperên spasdarî û teqdîrê ji komên beşdar re bi dawî bû.
