Em di Rêveberiya Xweseriya Demokratîk a Herêma Bakur û Rojhilatê Sûriyê di serî de em êrîşên komên girêdayî hikumeta demikî ya Sûriyê li dijî taxa Şêxmeqsûd û Eşrefiyê, şermezar dikin. Ev êrîş binpêkirineke li dijî gelê Efrînê ku bi darê zorê ji warê xwe koçber bû û ji aliyê komên girêdayî hikumeta veguhêz rastî cûreyên zilmê tê.
Tiştê ku li Şêxmeqsûd û Eşrefiyê diqewime, berdewamiya kiryarên nêjadperestî û xurtkirina siyaseta parçeker a hikûmeta demikî ye. Diyar e ku ji tiştên ku li deverên beravê û Siwêdayê qewimîn, ti ders jê nehatine wergirtin. Heman hişmendî û heman xudperestî serdest e û ev yek dê Sûriyê ber bi karesat û wêraniyeke bêveger ve bibe. Ji ber vê yekê jî em bang li hemû gelê Sûriyê yên azad û bi rûmet dikin ku bi gelê me re li taxên Şêxmeqsûd û Eşrefiyê, bisekinin. Her wiha em bang li hêzên demokratîk ên Sûriyê, rêxistinên navneteweyî û civaka navneteweyî dikin ku vê siyaseta ku ji aliyê hikumeta demikî ve tê meşandin, rawestînin.
Tiştê ku îro diqewime tunebûna cidîbûnê di peydakirina çareseriyek berfireh ji pirsgirêkên neteweyî yên çareser nebûyî de piştrast dike. Ew nîşan dide ku hin alî berdewam dikin ku xwe dispêrin zimanê çekan û şerê navxweyî li şûna diyaloga avaker û xebatên hevbeş ji bo avakirina Sûriyeke demokratîk û pirreng ku hemû gelên xwe bêyî cûdahî, hembêz bike.
Em di Rêveberiya Xweseriya Demokratîk de di dema ku van êrîşan bi tundî şermezar dikin û aliyên ku ev êrîş kirine berpirsên encamên wê yên mirovî û siyasî ne, di heman demê de em bang li gelê xwe li Herêma Bakur û Rojhilatê Sûriyê dikin ku helwesta xwe ya neteweyî û mirovî nîşan bidin, li kêleka birayên xwe yên li Şêxmeqsûd û Eşrefiyê bisekin û piştgiriya berxwedana a rewa li hember van êrîşan, bikin.
Her wiha em bang li gelê Sûriyê bi hemû pêkhateyên wê dikin ku li dijî her kesê ku dixwaze di tevlîheviyê di navbera gelên heman neteweyê de çêbike, bibin yek û ji bo ku rê neyê dayîn ku trajediyên ku gelê Sûriyê difikirîn ku wan ew rûpel pêçandine, jinûve werin dûbarekirin.
Em tekez dikin ku rêya aştî û çareseriya demokratîk yekane rêbaza bidawîkirina aloziya Sûriyê ye û hedefgirtina sivîl û herêmên ewle tenê wêrankirinê bi xwe re tîne.
Rêveberiya Xweseriya Demokratîk a Herêma Bakur û Rojhilatê Sûriyê
7`ê Cotmeha 2025`an
