Encûmena Aborî û Çandiniyê civîna xwe ya mehane bi beşdarbûna Endamên Encûmenên Aborî yên Kantonê, Komîteyên Encûmenê û Nûnerên Rêxistinên Civaka sivîl, lidarxist.
Civîn bi xelekek bê dengiyê ji bo rêzgirtina giyanê şehîdan dest pê kir, piştre li ser pêşketinên dawî yên siyasî yên li ser qada herêmî gûftûgo kirin. Piştre civîn derbasî nirxandina raporên mehane yên ji komîte û encûmenên Kantonan hatin wergirtin bû, ku tê de çalakî û karên herî berbiçav ên di meha borî de hatine kirin hatin destnîşankirin.
Di civînê de rewşa rêxistina giştî, û her weha pirsgirêkên ku di sektorên aborî û çandiniyê yên cûr bi cûr de di pêşveçûna kar de rû bi rû dimînin, hatin gûftûgo kirin. Beşdaran ji bo derbaskirina astengiyan nerîn û pêşniyar bi hev re parve kirin.
Di dawiya civînê de, biryarên girîng yên li ser çend mijarên sereke hatin pejirandin:
1_Pesendkirina plana çandiniyê ya bo sezona 2025-2026.
2_Piştî dengdana yekdeng, endametiya nû ya Komîteya Sotemeniyê li Encûmenê hat pejirandin.
3_Amadekirina planeke berfireh ji bo serjimêriya seweldariyê li herêmên bakûr û rojhilatê Sûriyeyê.
4_Erka Komîteya Sîlo û Aşan ji bo nirxandina rewşa teknîkî ya sîlo û aşan û rakirina raporekê li ser rewşa wan a giştî.
Ev civîn wekî beşek ji hewldanên encûmenê tê da ku hevrêzî di navbera encûmen û komîteyên pisporê baştir bibe û mekanîzmayên xebatê li ser piştgiriya hilberîna herêmî û ewlehiya xwarinê li herêmê pêş bixe.
