Li gorî berpirsiyariyên me yên perwerdehî û civakî, di çarçoveya pabendbûna me ya ji bo dabînkirina hawîrdoreke perwerdehî ya ewle û guncaw ji bo xwendekarên me, Desteya Perwerdeyê ya Cizîrê radigihîne ku amadekariyên pêwîst ji bo destpêkirina sala nû ya xwendinê ya 2025-2026 li dibistanên kantonê hatin kirin .
Rêveberiyên dibistanan dest bi kampanyayeke amadekariyê ya berfireh kirine, di nav de paqijkirina giştî, hazirikina avdestxaneyan , rêxistinkirina refan û dabînkirina pêdiviyên dibistanan.
Armanca vê kampanyayê pêşwazîkirina xwendekaran li hawîrdoreke fêrbûnê ya rêxistinkirî ye ku ji roja yekem a dibistanê ve amade ye ku hewcedariyên wan ên psîkolojîk û perwerdehî bi cih bîne.
Ev hewldan beşeke ji pilaneke çalakiyê ya berfireh in ku berê ji hêla Desteyê ve bi hevrêziya saziyên qada perwerdehiyê û xebatkarên rêveberiyê ve hatî pêşxistin , da ku destpêkeke serketî û berhemdar a sala xwendinê misoger bike û pêvajoya perwerdeyê li herêmê baştir bike.
Bi vê boneyê, dibistanên me destpêkirina pêşwazîkirina xwendekaran radigihînin. Bi vegera sala xwendinê, bi berdewamî û biryardariya mamoste û rêveberan , ku roleke girîng di serkeftina van amadekariyan de lîstine, jiyan vegeriya qada dibistanan.
Desteya Perwerdeyê piştrast dike ku qeydkirina xwendekarên nû hîn jî berdewam dike, malbatên ku dixwazin zarokên xwe qeyd bikin dikarin serdana dibistanên herî nêzîk a li herêma xwe bikin û belgeyên pêwîst bînin.
Em hewildanên karmend, mamoste û rêveberiyên ku bi şev û roj ji bo amadekariya vê rojê xebitîn spas dikin. Her wiha spasî ji hemî kesên ku beşdarî serkeftina van amadekariyan bûne , di nav de sazî, komîte û encumenên herêmî .
Desteya Perwerdeyê pîrozbahiyên xwe yên germ û daxwazên xwe yên baştirîn ji hemî xwendekarên xwe re dike, ji wan re saleke serketî ya tijî jêhatîbûn, şahî û fêrbûnê dixwaze.
Em pabendbûna xwe ya berdewam ji bo dabînkirina her tiştê ku ji bo pêşvebirina pêvajoya perwerdeyê li kantonê me hewce dike piştrast dikin.
Sala nû ya xwendinê li hemû xwendekar û malbatên wan û mamosteyan pîroz be
Desteya Perwerdeyê
Kantona Cizîrê
Dîrok: 7ê Îlona 2025’an
