Bi armanca zêdekirina giyanê beşdariya civakî, Şaredariya gel a li bajarê Qamişlo civîneke şêwirmendiyê ya berfireh bi nûnerên saziyên civaka sivîl ên demokratîk re Ku vîzyon û rêwerên pêşerojê yên têkildarî projeyên xizmetî û pêşkeftinê ji bo sala 2026 an hatine plankirin gûftûgo bikin, li dar xist.
Di civînê de, pêşkêşkirineke berfireh li ser projeyên herî girîng ên pêşniyarkirî, qonaxên pêkanîna wan û pêşîniyên xebata şaredariyê di qonaxa pêş de hate kirin. Her wiha derfet hat dayîn ku beşdar nerîn û şîroveyên xwe bînin ziman û pêşniyarên ku dê bibin alîkar ji bo baştirkirina kalîteya xizmetiyên giştî û pêşxistina binesaziya bajêr pêşkêş bikin.
Rêveberiya şaredariyê girîngiya van hevdîtinan tekez kir, ku armanc dikin têkiliya di navbera saziyên sivîl û dezgehên rêveberiyê de baştir bikin, û beşdariya rastîn di çêkirina plan û stratejiyên pêşerojê de misoger bikin.
Şaredariyê pabendbûna xwe ya berdewamiya xebata hevbeş bi aktorên cihêreng ên civakê re û sûdwergirtina ji pisporî û pêşniyarên pêşkêşkirî tekez kir.
