Encûmena Cîbcîkar a Kantona Cezîrê, bi nûnertiya Hevseroka wê Vîvyan Beho Osê bi hevrêziya Encûmena Gelên Demokratîk û Encûmena Bajarê Hesekê, civînek berfireh ku Komîn û Encûmenên herêmî yên taxên bajarê Hesekê anî cem hev li dar xist.
Civîn bi armanca aktîvkirina rola Komînan di warê xizmetî û rêxistinî de bû.
Di civînê de, li ser pirsgirêk û astengiyên ku komîn pê re derbas dibin û çawaniya derbaskirina wan ji bo baştirkirina bejarkirina sazî û xizmetiyê hate axaftin.
Hevseroka Encûmena Cîbcîkar Vîvyan Beho Osê, girîngiya têkiliya raste rast bi gel re û guhdarkirina daxwazên wan tekez kir û destnîşan kir ku komîn bingeha çalakiya civakê û pêkhateyeke sereke ya pêvajoya biryardayinê ye.
Osê destnîşan kir ku aktîvkirina rola komînan pêdivî bi pabendbûneke civakî heye, û rave kir ku di giştîkirina herî dawî de roja Şemiyê ya her hefteyê wekî rojek xebata meydanî li komînan hatiye destnîşankirin, û ji rêvebirên saziyên Rêveberiya Xweser tê xwestin ku beşdarî pêşxistina planên pratîkî bibin da ku pirsgirêkên xizmetî û debara jiyanê çareser bikin, bi vî rengî bandor û bersivdayîna komînan ji bo hewcedariyên civakê zêde dibe.
Di dawiya civînê de, beşdaran her wiha li ser pêwîstiya aktîvkirina komîteyên xizmetî, perwerde û tendrustiyê, ji bilî komîteyên ewlehiya civakê, ji bo tevkariya xurtkirina aramiyê û berfirehkirina beşdariya gel di mekanîzmayên biryardanê de gûftûgo kirin.
