Saziya Giştî ya Tovan li Bakur û Rojhilatê Sûriyeyê kirîna tovên xav ji cotkarên peymankar bi dawî kir.
Navendên wê li Til Elo, Dêrik, Qamişlo, Dirbêsiyê û Hesekê dest bi xebatên bêjinkirin û tamînkirinê kirine. Heta niha, bi zêdetirî 22,000 ton tovên genim hatine amadekirin û di depoyan de hatine hilanîn, amade ne ku li gorî lîsansên çandiniyê li ser cotkaran werin belavkirin.
Di heman çarçoveyê de navenda Lêzerê ya li bajarê Hesekê ji bo amadekirina tovên peymanî, ku digihîje 8,000-10,000 ton, wekî beşek ji plana saziyê ji bo dabînkirina 80,000 ton tovên başkirî ji bo sezona bê, dixebite.
Ji bo dabînkirina pêdiviyên sezonê û misogerkirina belavkirina rêxistinkirî û wekhev, saziyê ragihand ku peymana bi cotkaran re dê di 15ê Îlonê de vebe.
