Şaredariyên gel li bajar û bajarokên li seranserê Kantona Cezîrê di çend rojên borî de rêzek çalakiyên xizmetiyê pêk anîne, di nav wan de kampanyayên paqijkirinê, tamîrkirina binesaziyê û çavdêriya bazarê ji bo misogerkirina ewlehiya xwarinê.
Li Tirbespiyê, beşa xizmetiyê ya Şaredariya Gel bi hevrêziya çavdêriya şaredariyê, li seranserî qeraxa çem û deverên derdorê kampaneyeke paqijkirinê ya berfireh da destpêkirin.Di dema paqijiyê de li xwediyên firoşgeh û malên derdorê ji pîwîstiya danîna çopê di selikên çopê de, û cezayê 500,000 lîreyên Sûriyeyê li ser binpêkaran hat birîn.
Li Çil Axa, Gerenîndeya Avê ya Şaredariya Gel li gundê Baqla dest bi xebatên tamîrkirinê kiriye, ji bilî bilindkirin û daketina bîra avê ya li gundê el_Hemra û nûjenkirina wê da ku dîsa bixebite.
Li Girgê Legê, gerenîndeya dabînkirin û parastinê serdanek ji bo firoşgehên bazarê di nav de firoşgehên xwarinê, sebze, mirîşk, xweşane û xwaringeh li dar xist da ku piştrast bike ku berhem derbasdar bin û bi zagonî têne danîn.Di encama gerê de heyberên ku dema wan derbas bûye hatin dîtin, ceza li firoşgehan hat birîn. Beşa Dabînkirinê her wiha bang li niştecihan kir ku heke giliyên wan hebin, serdana Ofîsa Dabînkirinê bikin.
Li bajarê Dirbêsiyê, Şaredariya Gel_Beşa Karîzan ji bo amadekariya demsala zivistanê kampanyayek meydanî da destpêkirin da ku lûleyên ava baranê û çalên menfê li ser kolanên sereke û kêlekan werin rakirin û paqijkirin. Armanca kampanyayê ew e ku pêşî li çêbûna avêr û xendeqê li ser rê û taxên niştecihbûnê were girtin.
Şaredariyên gel li herêmên cuda girîngiya hevkariya gel tekez dikin û bang li hemû niştecihan dikin ku piştgiriyê bidin van hewldanan û beşdarî paqijkirina bajaran bibin.
