Tevî zehmetiyên aborî li bakur û rojhilatê Sûriyeyê, bi taybetî Kantona Cezîrê, Rêveberiya Xweser projeyên ji bo xizmetkirina gel pêk tîne, yek ji van projeya pîvandina elektronîkî li seranserê bakur û rojhilatê Sûriyeyê bi taybetî li Kantona Cezîrê, ev proje ne tenê tedbîrek teknîkî ye. Ew beşek ji vîzoyek stratîjîk a berfireh e ji bo nûjenkirina binesaziyê û rêveberiya xizmetiya enerjiyê.
Destpêkirina projeyê
Projeya sazkirina metreyên elektronîkî li bakur û rojhilatê Sûriyê di 10 Îlona 2024 an de destpêkir, û Kantona Cezîrê yekemîn herêm bû ku projeyê di bin çavdêriya Desteya Enerjiyê ya Rêveberiya Xweser de hate destpêkirin.
Hûrguliyan hejmar û deverên ku hatine nixumandin
1- Pîvanên pêşwext:
Hejmara giştî: 26,814 pîvan
Gundên ku hatine nixumandin: 116 gund
Bajarên ku hatine nixumandin: Dêrik, Til Koçer, Şedadê, Amûdê, û Dirbêsiyê
2- Pîvanên piştî nixumandinê:
Hejmara giştî: 184 pîvan
Bajarên ku hatine nixumandin: Hesekê û Qamişlo
Li gorî desteya enerjiyê ya Cizîrê, karê sazkirina pîvanan li hemû bajar, bajarok û gundan berdewam dike, bi armanca veguherandina sîstema elektrîkê bo sîstemeke bikêrtir û rêkûpêktir.
Girîngiya projeyê di şert û mercên heyî de
- Kontrolkirina xerckirinê û kêmkirina rijandinê:
Pîvanên elektronîkî xerckirina zêde kêm dikin û dibin alîkar ku xerckirina bêkontrol were kontrolkirin.
- Kêmkirina diziya elektrîkê:
Projeye dibe alîkar ku bi karanîna ne zagonî ya elektrîkê (wek girêdanên bê destûr) kêm bibe, karîgeriya torê baştir bike û windahiyan kêm bike.
- Bidestxistina dabeşkirina dadperwerane:
Pîvan, tevî şert û mercên dijwar, dabeşkirina dadperwerane ya elektrîkê misoger dikin.
- Xizmetkirina gel û xwediyên pîşeyan:
Proje alîkariya gel dike ku bi awayekî rast xerckirina elektrîka xwe bişopînin, dihêle ku ew jimarnameyên xwe tenê li gorî xerckirina rastîn bidin û şaştiyên jimarnameyê kêm dikin. Ev yek baweriya bi xizmetan zêde dike û rê li ber her larîkirina digire. Her wiha ji bo xwediyên firoşgehan xizmetekê peyda dike, ji bo ku ew elektrîkê bênavber û domdar werdigirin.
- Kêmkirina windahiyên teknîkî û darayî:
Projeyê alîkariya baştirkirina jimarnameyan û kêmkirina şaştiyên pereyan ji ber xerabî û xapandina dravdanê dike. Ew kêmkirina windahiyên darayî û teknîkî, û domdariya pergala elektrîkê zêde dike.
Desteya Enerjiyê ya Rêveberiya Xweser a Kantona Cezîrê dibêje ku ev proje, gavêke stratejîk e bo baştirkirina binesaziya enerjiyê û danîna aramî û dadmendî. Di nav zehmetiyan de, em bi biryarin, xizmetên herî baş pêşkêşî gelê xwe bikin.
