Gerenîndeya Avê ya bajarê Dêrikê li Kantona Cezîrê dest bi pêkanîna projeyekê ji bo nûjenkirina tora ava vexwarinê ya taxa Sor dike, Proje li şûna xeta kevin û xirabe, xeta polî êsîlîn ya nû vedihewîne, ku bi tevahî 6,510 metre dirêj e. Ev proje yek ji rêze projeyên xizmetiyê ye ku ji hêla Rêveberiya Xweser a Kantona Cezîrê ve tê piştgirî kirin bi armanca baştirkirina rewşa avê li taxê, kêmkirina rijandina avê û dabînkirina aveke çêtir ji gel re.
Rêveberê gerenîndeya avê Mistefa Ehmed rave kir ku kar bi qonax tê kirin di nav de qutkirina qîrê, kolandin, danîna tora nû û dûv re jî sererastkirina wê.
Di vê çarçoveyê de, gerenîndeya Avê bang li gel kir ku ji bo parastina avê wekî çavkaniyek girîng û ji xerckirina ava zêde dûrbikevin, da ku domdariya xizmetê û gihîştina wê ji bo hemî gel misoger bikin.
