Ji bo berdewamiya piştgiriya sektora çandiniyê û sivikirina barê cotkaran, û ne dereng ketina belavbûna sotemeniyê weke salên borî ji ber ku bandorek neyinî li ser operasyonên avdanê û xebitandina makîneyên çandiniyê dike, komîteya çandiniyê û Samana giyanweran li Kantona Cezîrê belavkirina du beşên sotemeniyê ragihand.
Her wiha berpirsyara got: “Em rojane bi cotkara re di têkiliya de ne û pêdiviyê wan ji nêz ve dişopînin. Ev kirdarî gaveke awarte ye ji bo misogerkirina berdewamiya demsala çandiniyê nemaze ji bo berhemên ku hewceyê avdan û lênerîna birêk û pêk in.
Li gorî komîteyê, her du komên mazotê dê li gorî bernameyên hûr nêrî ku ji hêla komîteyên peywendîdar ve bi hevrêziya encûmenên çandiniyê hatine amadekirin, werin belavkirin, da ku bi dadmendî were misogerkirin.
Di heman çarçoveyê de, hejmarek cotkaran rehetiya xwe ji vê gavê anîn ziman, û destnîşan kirin ku dabînkirina sotemeniya di dema xwe de faktorek girîng e ji bo misogerkirina serkeftina çandiniyê û demsalek aram.
Komîte ji bo dabînkirina mîqdarê ji heyberên mayî û girtina kirdariyên zêdetir ger pêwîst be û ji bo misogerkirina aramiya pêvajoya çandiniyê li herêmê, berdewamiya hevrêziya xwe bi rayedarên peywendîdar re tekez dike.
