Ji bona gelê me û raya giştî .
Di nav kampanyayeke medyayî ya şerê taybet ji aliyê komên ku dixwazin li seranserê Sûriyeyê, bi taybetî li bakur û rojhilat suriyê, kaos û fitneyê belav bikin u di nav civaka heremê de xofekî ava bikin ketine di nav hewldanekî , gurupek çete du xalên hêzên me li bajarê Tebqayê hedef girtin û du endamên me birîndar kirin. duh 14 tîrmehê yek ji xalên me yên ewlehiyê li bajarokê Şedadê jî rastî êrîşeke xayîn hat û di encamê de pênc endamên me şehîd bûn.
Ev kiryarên ku hêzên me hedef digirin bi armanca têkbirina aramiyê û belavkirina kaosêye, ême jî bicihanîna erkê xwe yê parastina civaka xwe û parastina ewlehiyê pêk bînin. Em ê hemû hewldanên xwe bikin da ku projeya dijmin têk bibin yê ku ji hêla van kom û saziyan ve tê meşandin, ku dixwazin li Sûriyeyê bi giştî û taybetî jî herema bakur û rojhilatê Sûriyeyê bi taybetî kaosê biçînin.
Em teqez dikin ku hêzên me dest bi lêpirsînên berfireh bikin da ku nasnameya van koman eşkere bikin, piştgirên wan bişopînin û wan bibin pêşberî dadweriyê da ku cezayê xwe yê adil bistînin.
Em weke hêza ewlekariya hundirîn ya bakur û rojhilatê suriyê ji bo hevalên me yên birîndar derbasiyê ( şîfa ) û ji malbatên şehîdan û gelên me re sersaxiyê dixwazin û em soz didin li ser rêka wan dewam bikin û destkeftiyên şoreşê û rêgezên civaka demoqiratîk ya ku gelê me ji bona wê cane xwe feda kir biparêzin.
Fermandariya Giştî ya Hêzên Ewlekariya Hundirîn a Bakur û Rojhilatê Sûriyê
Sêşem 15 tîrmehê 2025
