Gel daxwzên xwe bi riya sindoqan tînin ziman, Di çarçoveya encama têpînî û gazinên gel, komîteya têkildar li seranserê bajarê Girgê Legê sindoqên gilî û pêşinyaran vekir.
Piştî nirxandina giliyan, beşên Şaredariya Gel li Girgê Legê dest bi girtina tedbîrên pêwîst ji bo çareserkirina wan kirin. Bersiv bi hejmarek gavên pratîkî dest pê kir, di nav wan de:
Beşa Paqijiyê li ser giliyên gel di derbarê kombûna berheman li Rimêlan – taxa Şehîd Lewend Dêrik kampanyayek paqijkirinê pêk anî.
Gerenîndeya polîsan gera meydanî li kolana şaredariyê kir, di dema gerê de destwerdanên li ser rêyên peya hatin rakirin, û ji xwediyên firoşgehan xwestin ku rêya peya bi awayekî ku rê li ber tevgera peyayane negirte.
Çareserkirina giliya kêmbûna avê li taxa Şehîd Lewend Dêrik- li Rimêlan. Gerenîndeya Avê berê îhaleyek ji bo kolandina bîrek artezyen li herêmê ragihandibû, ku ji kêmbûna giran a ava vexwarinê dikişîne. Biryar e ku kolandin piştî bidawîbûna îhaleyê dest pê bike.
Gilîyek derbarê belavbûna kêzikan li taxa Şehîd Qehraman a li pişt avahiya şaredariyê tê çareserkirin. Şaredarî dê di rojên pêş de, wekî beşek ji kampanyayeke berfireh a ji bo rijandina hemû taxan, dermanên kêzikan li taxê birijîne.
Şaredariya Gel a li Girgê Legê spasiya hemû gelên ku gilî û pêşniyar pêşkêş kirine dike, û şêniyan vedixwîne ku di qutiyên taybet ên li Kolana Şaredariyê û Kolana bijîşkan de gilî û pêşniyaran pêşkêş bikin.
