Şaredariya Gel a bajarê Dirbêsiyê yê Kantona Cezîrê, tevî zehmetiyan û çavkaniyên kêm, çend projeyên xizmetiyê yên ji bo baştirkirina jîngehê û dabînkirina xizmetiyên çêtir ji gelan re berdewam dike.
Di çarçoveya kampaneyeke paqijkirinê ya berfireh de, tîmên şaredariyê bermahiyên kombûyî ji rêya gundên Til Eylûl û Til Şêrîn rakirin. Û bang li gelan kir ku li deverên ku xizmetiya wan zehmete bermahiya navêjin.
Di çarçoveyek têkildar de, Gerenîndeya avê ya şaredariyê dest bi pêkanîna projeya pêşxistina tora avê kiriye, pompên nû li çend deverên stratîjîk û Til Eylûl saz kiriye û niha xebata ji bo sazkirina deverên din jî tê kirin bi armanca aktîva 13 bîrên avê û dabînkirina pêdiviyên zêde yên gelan di werza havînê de.
Beşa Jîngehê ya şaredariyê, di çarçoveya kampanyayeke paqijiyê ya berfireh de ji bo baştirkirina jîngehê û pêşîgirtina li kombûna bermayiyan, rojane heta êvarê konteynerên çopê ji taxên bajêr radike û ji gelan xwestiye ku pabend bibin ku çopê têxin konteyneran û bi awayekî bêserûber neavêjin, da ku piştgirî bidin hewldanên rojane yên xebatkarên paqijiyê.
Tevî zehmetiyan, Şaredariya Dirbêsiyê xizmetên girîng ji gelan re peyda dike, û tekez dike ku girîng e hevkariya her kesî ji bo parastina paqijiya bajêr û baştirkirina kalîteya jiyanê.
