Civîn bi deqeyek bêdengiyê ji bo rêzgirtina ji bo şehîdên ku ji bo bidestxistina azadî û rûmetê canê xwe feda kirine dest pê kir. Piştre civîn bi nîqaşeke kûr li ser pêşketinên dawî û bandorên wan li ser rewşa ewlehiyê ya herêmê dest pê kir
Di civînê de li ser pirsgirêk û astengiyên herî berbiçav ên ku li pêşiya xebata Hêzên Ewlekariya Hundirîn asteng in, nîqaş hat kirin, û girîngiya dîtina çareseriyên bibandor ên ku berdewamiya xebata bibandor û berpirsiyar misoger dikin, hat tekez kirin. Di civînê de her wiha kampanya ku desteya Hundirîn daye destpêkirin, ku armanc dike bi rêya hevdîtinên rasterast bi wan re û guhdarîkirina daxwazên wan têkiliya di navbera dezgehên ewlehiyê û welatiyan de xurt bike, hat nîqaş kirin
Di çarçoveyek têkildar de, belavokek ji aliyê desteya Hundirîn ve bi boneya nêzîkbûna Cejna Qurbanê hate pêşkêş kirin, ku tê de rêze tedbîrên pêşîlêgirtinê hene ku dê ji aliyê hêzan ve werin bicîhanîn da ku ewlehî û aramiya welatiyan di betlaneyên Cejnê de were misoger kirin
Derfet hat dayîn ku rêveber û memûran nerîn û pêşniyarên xwe pêşkêş bikin, û destwerdan li ser pêwîstiya zêdekirina hevrêziya di navbera saziyên ewlehiyê û civakê de û aktîvkirina mekanîzmayên ji bo xizmetkirina welatiyan bi hestek berpirsiyarî û aîdiyetê bûn.
Di civînê de her wiha hejmarek navendên Hêzên Ewlekariya hundirîn li parêzgehê bi pêşkêşkirina mertalên bîranînê hatin xelatkirin ji bo rêzgirtina li hewl û qurbaniyên wan ji bo parastina ewlehî û aramiyê.
Di dawiya civînê de, tekez hate kirin ku Hêzên Ewlekariya Hundirîn wê bi fedakarî û wefadarî, ji bo nasîna fedakariya şehîdan û pêkanîna nirxên ku wan ji bo wan şer kirine, erkê xwe yê neteweyî bi berdewamî pêk bînin.
