Di çarçoveya xebatên ji bo xurtkirina hevrêziyê û başkirina jîngeha kar di sektora dadweriyê de, Encûmena Dadmendiya Civakî li bajarê Qamişlo civînek di navbera dadwerên jin û nûnera Mala Jinê û Rêxistina Sara de li dar xist, ji bo gotûbêjkirina mekanîzmaya çalakiyên hevbeş û kêşeyên ku di vî warî de rastî wan tên.

Di civînê de çend mijarên sereke hatin behskirin, di nav wan de mekanîzmaya hevahengiya di navbera dezgehên pêwendîdar, kêşeyên ku rê li ber pêkanîna karîgerî ya karan vedikin, û pêşniyarên çareseriyê ji bo çareserkirina wan.

Di civînê de gelek pêşniyar û encam hatin girtin, ji wan:

1-Rêxistina korsên perwerdehiya taybet ji bo dadweran ji bo bilindkirina jêhatiya wan di dozên girêdayî jinan.

2-Dîtina girtîgehan Ji bo nirxandina şert û mercên jinan û seknandina ser rewşa wan û pêwîstiyê wan.

3- Xebat ji bo sererastkirina hin madeyên yasaya malbatê li gor guhertinên civakî û pêwîstiyên dadweriyê.

4- Ji bo parastina jinan ji destdirêjiya dijîtal, tekezî li ser sepandina Zagona Cezayê ji bo tawanên înternêtê.

5- Veqetandina cihekî taybet ji bo xwendinê di malên jinan de, bi berçavgirtina aliyên mirovî û civakî yên dayîk û zarokan.

Ev civîn di çarçoveya xurtkirina xebatên dadwerî û sivîl ên ji bo jîngeheke hiqûqî ya dadperwertir û wekhev ji bo jinan tê.

22-5-2025