Sibe 25`ê Nîsanê li Bakur û Rojhilatê Sûriyê Roja Şehîdan e. Balafirên dewleta Tirk di sala 2017`an de li Çiyayê Qereçoxê li dijî şervan û fermandarên QSD`ê komkujî pêk anî. Ew fermandar û şervan ji wan kesên ku mohra xwe di şerê li dijî rêxistina terorîst a cîhanî ya DAIŞ`ê de, dan.

Bi vê boneyê em hemû şehîdên ku her tiştê giranbuha feda kirin da ku em bi aramî bijîn, bi bîr tînin. Em sersaxiyê ji xwe, ji malbatên şehîdan re dixwazin. Em piştrast dikin ku fedekariya şehîdan û têkoşîna wan serkeftin û destkeftiyên dîrokî bidest xistin ji wan Rêveberiya Xweseriya Demokratîk a Herêma Bakur û Rojhilatê Sûriyê ye. Her wiha wan yekîtiya rast a pêkhateyên Bakur û Rojhilatê Sûriyê û Sûriyê bi giştî, pêk anî. Ji ber xwîna ereb, kurd, suryan û pêkhateyên din li ser xaka welat, tevlî hev bû.

Em di Rêveberiya Xweseriya Demokratîk a Herêma Bakur û Rojhilatê Sûriyê de teqez dikin ku şehîdên me mîrateya civaka me ne û fedekariya wan rêya azadî û rûmetê ronî kir. Ji ber şehîdên me garantiya serkeftin û pêkanîna hêvî û xwestekên gelê me bi hemû pêkhateyên wê ne û çavkaniya îrade û îsrara ji bo berdewamkirina xebatên ji bo gelê me ne.

Careke din em vê cejnê li hemû gelê me yê Bakur û Rojhilatê Sûriyê pîroz dikin. Di nava geşedan û bûyerên ku li Sûriyê rû didin em soza xwe nû dikin ku em ê bi hemû hêz û derfetên xwe kar bikin da ku armcên şehîdên me ji bo wan canê xwe feda kirin, bidest bixin, Sûriyeke demokratîk ne navendî ku gel bi hemû pêkhate û mezhebên xwe ve têde di maf û erkên xwe de wekhev bin, ava bikin.

Rêveberiya Xweseriya Demokratîk a Herêma Bakur û Rojhilatê Sûriyê

24`ê Nîsana 2025`an