Festîvala Wêje û Hunerê ya Jinê bi diruşmeya “Jina Têkoşer girêkên azadiyê dipêçe” îro li Gulîstana Azadî ya bajarê Qamişlo dest pê kir. Festîvala ku ji aliyê Rêveberiya Çand û Hunerê ya Kantona Cizîrê ve tê lidarxistin, bi amadebûna gelek pêkhateyên cuda yê bakurê rojhilatê Sûriyê deng veda.
Şandek ji Rêveberiya Xweseriya Demokratîk a Kantona Cizîrê bi nûneratiya hevserokên meclisa rêveber a Kantonê û hejmarek ji hevserokên deste û nivîsgehan û şêwirmendê rêveberiya xweser li Kantona Cizîrê di festîvalê de beşdar bûn.
Li ser navê komîteya amadekar û rêveberiyê hevseroka Desteya Çandê Firyal Ibrahîm axaftinek pêşkêş kir û bal kişand ser girîngiya vê festîvalê ku weke qadeke derbirîna hunerî û çandî ya jinan û derfetek ji bo ronîkirina rola wan a çalak di warên cuda de.
Festîval pêşandanek vîdyoyê pêşkêş kir ku qonaxên herî girîng ên festîvalê û karên berê nîşan dide, pêşveçûna bûyerê bi salan û bandora wê ya mezin di piştgirîkirina jêhatîbûna jinan û mezinkirina afirîneriya herêmî de belge dike.
Piştî pêşandanê temaşevanan bi govendê kêfxweş bûn ku ji ber peyamên xwe yên hestyarî û welatparêzî rastî eleqeyeke mezin hat.
Koma Artsax, rêzê dîlana folklorîk pêşkêş kirin, ku cihêrengiya çandî ya dewlemend a herêmê vedihewîne û hebûna jinan di hunerên gelêrî û mîras de nîşan dide.
Bernameya êvarê bi vekirina pêşangeheke hunerên destan ku tê de gelek berhemên hunerî ku jêhatîbûn û hunera bilind a jinên beşdar nîşan didin, bi dawî bû. Festîvala ku dê çend rojan berdewam bike, tê de xwendina helbestan, pêşandanên hunerî, danişînên giftûgoyê û karge pêk tê.
