Civîna salane ya Encûmena Aborî û Çandiniyê ya Kantona Cizîrê îro li Qamişlo hate lidarxistin. Di civînê de hevserokên Desteya Aborî û Çandiniyê ya Bakur û Rojhilatê Sûriyê, ligel hevserok û endamên encûmen û komîteyên aborî û çandiniyê yên ji hemû bajar û bajarokên kantonê amade bûn.
Armanca giştî ya civînê ew e ku karê saziyî were xurtkirin û sektorên aborî û çandiniyê bêne pêşvebirin da ku ewlehiya xwarinê were pêkanîn, cotkar werin piştgirîkirin, aboriya civakî pêş bikeve, û jiyana gel were baştir kirin.
Civîn bi nirxandina rewşa siyasî û bandora wê li ser sektorên aborî û çandiniyê dest pê kir. Her wiha rapora salane ya karên aborî û çandiniyê yên borî bi berfirehî hate xwendin û gotûbêjkirin. Beşdaran nirxandinek berfireh li ser rewşa aborî û çandiniyê ya kantonê kirin, û li ser zehmetiyan rawestiyan, ligel pêşkêşkirina pêşniyar û çareseriyan.
Civîn bi pêşniyar û biryarên girîng ên ji bo pêşvebirina aborî û çandiniyê li Kantona Cizîrê bi dawî bû, di nav de:
1-Piştgiriya xwedîkerên sewaldariyê bi dabînkirina vakslêdan û dermanan.
2_Aktîvkirina beşa berfirehkirina çandiniyê û zêdekirina karmendên wan.
3_Tamîrkirina bendavan, dabînkirina amûrên pîvandina avê, û teşwîqkirina rêbazên avdanê yên nûjen.
4_Çalakkirina beşa milkê ya Rêveberiya Xweser.
5_Teşwîqkirina çandina berhemên xwarinê yên wekî unce û gînî.
6_Hevrêzkirin bi Encûmen Aborî û Çandiniyê ya Bakur û Rojhilatê Sûriyê re ji bo avakirina bajarê pîşesaziyê li Kantona Cezîrê.
7_Zêdekirina qadên kesk li herêmê.
8_Gotûbêjkirina Zagona Parastina Erdê Çandiniyê û derxistina rêziknameyên wê.
9_Dabînkirina tov, peyin, û mazota çandiniyê li gorî planê.
10_Nasandina cureyên lawiran nû ji bo baştirkirina zayendê.
11_Vekirina dermanxaneyek navendî ya veterînerî û çandiniyê li Cezîrê.
12_Pêkanîna tedbîrên karantînaya çandiniyê li deriyên sînor.
13_Çêkirina nanpêjxaneyan û guherandina xetên hilberînê ji bo hilberîna sê nanan di her xetê de.
14_Piştgiriya projeyên aborî yên civakê li ser pergala koperatîf û komînan.
15_Şopandin û pêşvebirina projeyên aboriya civakî yên sala 2025an.
16_Xurtkirina modela aboriya civakî û bingehên wê, bi taybetî pergala komînan.
17_Rêkxistina belavkirina berhemên çandiniyê û pejirandina polîtîkayên bikaranîna çêtirîn a çavkaniyan.
18_Misogerkirina derfetên kar ji bo ciwanan û hêzdarkirina jinan bi rêya projeyên koperatîf.
19_Danûstandina berdewam bi cotkaran re ji bo pêşxistina polîtîkayên pêwîst.
