Mehrecan Stranan a Orkêş ya 3’emîn, ku ji aliyê Tevgera Çand û Hunerê ya Mezopotamya ve bi hevkariya Desteya Çanda Cezîrê û Hîlala Zêrîn ve hatibû lidarxistin, di bin dirûşmeya “Bi çanda komînal re, deng û awazên gelan dijîn” bi serkeftî bi dawî bû. Çalakî sê rojan li pey hev berdewam kirin û 23 komên mûzîkê ji pêkhateyên cuda yên Bakur û Rojhilatê Sûriyê, ligel komên ji Başûrê Kurdistanê yên ji Zaxo, Silêmanî û Şingalê, beşdar bûn. Performansên wan ên cihêreng, dewlemendiya mîrata herêmê û pirrengiya wê ya çandî nîşan dan.
Di roja dawî de şandeyek ji Rêveberiya Xweser a herêma Cezîrê beşdar bû, û çalakî bi performansek hunerî ya navdar bi dawî bû.
Piştre, spasiya tîmên beşdar hat kirin û mertelên bîranînê ji wan re hatin pêşkêşkirin. Di dawiya mehrecanê de, girîngiya parastina mîrateya gelên herêmê û xurtkirina hebûna wan a çandî hate tekez kirin.
