Bi boneya roja cîhanî ya zarokan, ku her sal di 20ê Mijdarê de tê pîrozkirin, ku îsal jî di bin durûşmeya Neteweyên Yekbûyî de, ku “Mafên zarokan ne Guftûgokirî ne: Ji bo Cîhanek Ewle û adil ji bo her zarokekî”, em di daxuyaniya xwe bi bîr tînin ku zarokên Sûrîyayê di salên şer de ku ev ji deh salan zêdetir berdewam kiriye, qurbaniyên herî bêparastî. Ew ji mafên xwe yên herî bingehîn ku di jiyanek ewle, perwerde û tenduristiyê bêpar mane, her wiha rastî zehmetiyên mirovî yên dubare bûne hatine, ji koçberiya bi darê zorê û windakirina hezkiriyên xwe bigire heya komkujiyên ku gelek kesan jiyana xwe standina. Nimûneyek bi taybetî bi êş e ku li gundê Qumjiyê komkujiyek lê çêbû, tê de heft zarok hatin kuştin, digel komkujiyên din ên ku tê zarok qurbaniyên sereke bûn, ku binpêkirinek eşkere ya qanûna mirovî ya navneteweyî û Peymana Mafên Zarokan e. Îro, dema ku em vê bûyera navneteweyî bi bîr tînin ku bala cîhanê dikişîne ser zaroktiyê û girîngiya parastina wê, û dema ku em zarokên Sûriyeyê bi bîr tînin, em dixwazin bi taybetî balê bikişînin ser rewşa zarokan li herêmên Bakur û Rojhilatê Sûriyê. Ew di bin zextên berdewam de ne ku ewlehî û aramiya wan tehdît dikin, û bi deh hezaran ji wan bi darê zorê ji bajarên xwe yên dagirkirî yên wekî Girê Spî (Tal Ebyad), Serê Kaniyê (Ras al-Ayn) û Efrîn koçber bûn. Mehrûmkirina mafê wan ê vegera ewle û bi rûmet sûcek qanûnî û mirovî ye ku hesabpirsînê dixwaze. Wekî din, zarokên di nav kampan de di şert û mercên dijwar de dijîn ku pêşeroja wan tehdît dikin, wan ji perwerde û tenduristiyê bêpar dikin, û her weha xetera îstismar û tundûtûjiyê jî dikişînin. Ji ber vê yekê, li ser navê Encumena Zarokan li Bakur û Rojhilatê Sûriyê, em daxwazên jêrîn ji bo parastina zarokan dubare dikin, ku bi kurtî ev in :
Xwînrijandina li sûryayê were rawestandin, ji ber ku fermaneke mirovî û zagonîye û neyê pêşxistin.
Li gorî peransîpa dadmendiya navnetewîyê, sûcdarên şer û tûndiyê li dijî zarokan werin hesab kirin û ji cezaya xwe nerevin.
Kar li ser vegerandina zarokên koçber bûne û deverên wan yê dagirkirî bixebitin, û wan di hewîrdoreke aram û ewle de biceh bikin.
Parastina zagonî ji bo zarokên kû di kampan de dijîn xurt bikin, û perwerde, tenduristî û parastina wan ji hemû cûreyên tûndiyê.
Li Bakur û Rojhilatê Sûriyayê dest bi pêşxistina aştî û lihevhatinê, naskirina kû aştî derfeta herî xûrt ji bo parastina pêşeroja Sûriyayê û zarokên wê.
Parastina zarokan li Sûriyeyê ne tenê daxwazek mirovî ye, lê belê erkek zagonî ya navneteweyî ye ku ji hêla Peymana Neteweyên Yekbûyî, Peymana Mafên Zarokan û qanûna mirovî ya navneteweyî ve hatî ferzkirin. Em ji hemî aliyên têkildar dixwazin ku vê Roja Zarokan a Gerdûnî bikin nûkirina peymana parastina zarokan û misogerkirina ku her zarokek di hewîrdoreke aram, aştî, dadmendî, û rûmeta mirovahiyê de bijî.
