Di bin çavdêriya Desteya Çandê ya Kantona Cezîrê û bi hevkariya Dîwana Wêjeyî ya bakur û rojhilatê Sûriyê, çalakiyên 8’emîn mehrecana Osman Sebrî bi dawî bû. Roja dawî, şandeyek ji Rêveberiya Xweseriya Demokratîk a Kantona Cezîrê, bi nûnertiya hevserokên Desteya Çand û Hunerê ya Kantona Cezîrê, Xanim Firyal Çolî û Birêz Elyas Sîdo, û bi dehan nivîskar û kesên ku bi kar û barên wêjeyî re mijûl dibin, amade bûn.
Di roja sêyem û dawî de, semîner li ser rastiya şanoyê li bakur û rojhilatê Sûriyê hate pêk anîn, bi beşdariya Ebdulqadir Ebûd, Beşîr Mela Newaf û Rûmet Beko, û bi rêberiya Kawa Fetah.
Fîlmek destpêkê li ser komîteyên nirxandinê hatî nîşandan, û mehrecan bi rêzgirtin ji nivîskarên serkeftî û pêşkêşkirina kartên spasdarî û teqdîrê ji bo beşdarên mehrecanê, bi dawî bû.
