Wekî beşek ji karên şaredariyê ku li ser baştirkirina rûbera şînatiyan û zêdekirina qadên kesk ên li bajar têne xebitandin, ofîsên gulîstan û darçandinê kampaneyên xwe yên çandiniya darên cûr bi cûr li gorî xwezaya her herêmê û pêdiviyên wê yên jîngehê, berdewam dike.
Ev destpêşxerî beşek ji planeke jîngehê ya yekgirtî ne ku armanc dike li dijî biyabanîbûnê derkeve û estetîka bajêr baştir bike. Dar pişikên bajara ne beşdarî rêkxistina avhewayê dibin, hewayê paqij dikin û axê ji erozyonê diparêzin.
Tîmên ji ofîsa jîngehê_beşa gulîstan û darçandinê ji bilî kampaneyên çandina daran ku derdora Navenda Heyva Sor a Kurd jî di nav de bûn, li gelek deveran xebatên birrîn û lênêrîna daran pêk anîn. Ev yek li ser destpêşxeriyek ji aliyê niştecihên taxê û hevkariya wan bi şaredariyê re ji bo jîngehek paqijtir û kesktir bû.
Wan Mesûr, rêvebera Ofîsa gulîstan û darçandinê ya Şaredariya Qamişlo, piştrast kir ku xebatên çandin û lênerîna daran bi lez û berdewamî de têne pêkanîn. Armanca sereke ya vê kampanyayê baştirkirina kaliteya hewayê û zêdekirina oksîjenê li bajarê Qamişlo ye, ku ev çalakî dê tenduristiya gelê bajêr zêde bike û estetîkê ya Qamişlo baştir bike. Mesûr zêde kir ku ofîs girîngiyek mezin dide hilbijartina şînatiyên guncaw û pêçandina şînatiyan ku hevsengiya jîngehê û şertên avhewayê herêmê ya demdirêjê bi dest bixin.
Di heman çarçoveyê de, Rêveberiya Xweser a Kantona Cizîrê diyar kir ku ew bi tevahî piştgiriyê dide hemû destpêşxerî û projeyên ku beşdarî berfirehkirina deverên çandiniyê û zêdekirina rûbera kesk di nav bajar û bajarokên de dibin, û tekez kir ku ev hewldan beşek ji stratejiya giştî ya rêveberiyê ye ji bo parastina jîngehê û bidestxistina pêşkeftina domdar.
Rêveberiyê rave kir ku ev proje beşdarî têkoşîna li dijî bandorên guherîna avhewayê dibin û piştgiriyê didin ewlehiya jîngeh û xwarinê ya civakê.
Girîngiya van gavan di van xalan de ye:
1- Berfirehkirina deverên çandiniyê û zêdekirina şînatiyan di nav bajaran de.
2- Baştirkirina kalîteya hewayê û zêdekirina asta oksîjenê li deverên niştecihbûnê.
3- Têkoşîna li biyabanîbûnê û parastina axê ji erozyonê.
4- Xurtkirina hevkariya di navbera niştecih û şaredariyan de ji bo parastina jîngehê.
5- Piştgiriya vîzyona Rêveberiya Xweser ji bo pêşkeftina jîngehê ya domdar li bakûr û rojhilatê Sûriya.
