Bi boneya heyva cîhanî ya hişyariyê li ser penceşêra pêsîra (Heyva Pembe), û li ser bingeha xebatên Desteya Tendrustiyê ya Kantona Cezîrê bo pêşxistina hişmendiya tendrustiyê di civakê de û piştgirîya hewlên pêşîgirtin û vedîtina zû, Desteyê ragihand ku di heyva Çiriya Yekê de li Nexweşxaneya Gel a bajarê Hesekê xizmetên (mamografiyê) yên belaş dê ji bo hemû jinan were pêşkêş kirin.
Ev kirdarî beşek ji kampaneya hişyariyê ye ku ji hêla Desteyê ve bi hemdemiya Heyva Pembe hatiye destpêkirin, ku derfeteke salane ye ji bo balkişandina ser girîngiya naskirina zû ya penceşêra pêsîrê , ku cureya penceşêrê ya herî belavbûyî di nav jinan de ye.
Desteya Tendrustiyê ji hemû jinan, bi taybetî yên ku temenê wan ji 40 salî mezintir e an jî di nav malbatê de ev nexweşî heye, dixwaze ku sûd ji vê xizmeta belaş werbigirin, ji ber ku rola wê ya girîng di naskirina zû û baştirkirina derfetên dermankirin û başbûnê de heye.
Deste her wiha piştrast dike ku karmendên bijîşkî û teknîkî yên li nexweşxaneya gel bi tevahî amade ne ku nexweşan pêşwazî bikin û xizmetan li gorî pîvanên herî bilind ên rastbûn û nepenîtiyê ji wan re pêşkêş bikin.
Desteya Tendrustiyê ya Kantona Cezîrê
1/10/2025
