Kongra Islama Demokratîk li Kantona Cezîrê rûniştinek diyalogîk li bargeha Desteya Perwerde û Fêrkirinê ya li bajarê Qamişlo bi amadebûna nûnerên Encûmenên bajaran û hevserokatiyên desteyên Rêveberiya Xweser li dar xist. Da ku vîzoya xwe ya siyasî û olî ji bo pêşeroja Sûriyeke demokratîk gûftûgo bike.
Rûniştin bi xulekek bê dengiyê ji bo rêzgirtina giyanê şehîdan û bi xêr hatina beşdaran dest pê kir.
Piştre hevserokê kongrê Mela Mihemed Reşîd Xerzanî, belgeyek berfireh xwend ku vîzyona kongrê ji bo çakkirina rewşa Sûriyeyê li ser bingeha prensîbên dad, wekhevî û jiyana hevbeş, destnîşan dikir.
Xerzanî di axaftina xwe de tekez kir ku Islama demokratîk bingeha vê vîzyonê pêk tîne, wekî sîstemeke rewşenbîrî ku prensîbên wê ji nirxên dilovanî, dad û xêrxwaziyê di Islamê de îlhamê digirin û li ser bingeha azadî, wekhevî û redkirina zorê di ol an ramanê de ye. Û destnîşan kir ku krîza Sûriyeyê ji polîtîkayên zordarî, navendîkirin û dûrxistina mezhebî û etnîkî derdikeve holê, yekîtîya welat tehdît dike û tevna wê ya neteweyî ji hev dixe. Wî tekez kir ku pêwîst e sîstemek nenavendî were pejirandin ku mafên hemî pêkhateyên olî û etnîkî garantî bike û wan bihêle ku bi bandor beşdarî rêvebirina kar û barên welat bibin.
Wî her wiha daxwaza nivîsandina destûreke nû ji bo Sûriyê kir ku dê prensîbên demokrasiyê, desthilatên cuda û misogerkirina azadiya derbirînê û baweriyê xurt bike. Ji bilî daxwaza xurtkirina bernameyên perwerdehiyê bi nirxên dad û hevborînê kir, paqijkirina gotara olî ji mezhebperestî û nijadperestiyê, û pejirandina gotareke olî ya yekgirtî ji bo rû bi rû bûna hizra tundrew.
Di dawiya rûniştinê de, kongrê pabendbûna xwe ya bi vîzyoneke neteweyî ya li ser bingeha Sûriyeyeke azad, demokratîk û yekgirtî, ku li ser prensîba hem welatî bûna wekhev û pergaleke nenavendî ava dibe û mafên olî, medenî û destûrî ji bo hemû Sûriyeyiyan bê cudahî garantî dike, nû kir.
