Encûmena Aborî û Çandiniyê ya bakûr û rojhilatê Sûriya ragihand ku buhayê kirîna yek ton pembû ji bo sezona çandiniyê ya heyî bi 600$ hatiye destnîşankirin.
Ev biryar di çarçoveya hewldanên piştgirî û teşwîqkirina cotkaran de tê, ku hevdemî bi çandina zêdetirî 70,000 donim pembû li kantona Cezîrê ye.
Di gavekê de ji bo zêdekirina hilberîna çandiniyê, rayedarên peywendîdar heft beşên mazota çandiniyê li cotkarên herêmê belav kirin, bi vî awayî pêdiviyên çandiniyê û berdewamiya bêkêmasî ya operasyonên çandiniyê misoger kirin.
Her wiha saziya giştî ya Pembûyê sê navendên wergirtina berheman li Kantona Cezîre, Reqa û Dêra Zorê vekirin, piştî ku karmendên teknîkî û rêveberî bi rêya organîzekirina korsên perwerdehiyê yên taybetî ji bo celebkeran, alîkarên wan û jimarvanê wan perwerde kir da ku operasyonên çinînê yên bibandor û dadperwer misoger bike.
Amadekariyên lojîstîkî belavkirina kul ji bo wergirtina pembû li navendên li Tirbespiyê, Hesekê û Amûdê (di nav Kantona Cezîrê de), ji bilî navendek li Kobaniyê li Kantona Firatê, û navendên din li Reqa û Dêra Zorê, wekî beşek ji planeke yekgirtî ji bo hêsankirina bazarkirina berhemê vedihewîne.
