Di nav berfirehbûna bi lez a avadanî û pêwîstiya zêde bi binesaziyek xurt û ewle de, Laboratorya Cezîrê wekî yek ji stûnên teknîkî yên herî girîng ên li pişta kalîteya rêyên bajêr derdikeve pêş.
Ev laboratorya pispor di bin çavdêriya raste rast a tîmên teknîkî û endizyariyê yên pir jêhatî de dixebite. Ew berpirsyara amadekirina tevliheviyên qîrê û şopandina kalîteya wan e, û bicîhanîna projeyên rêyan li gorî pîvanê herî bilind ên domdarî û ewlehiyê misoger dike.
Çavdêriya hûrgulî û kalîteya bilind
laboratorya Cezîrê hemû aliyên analîza teknîkî ya pêkhateyên tevliheviya qîrê, ji lêkolînkirina heyberên xav bigre heta şopandina bicîhanîna qatên qîrê li ser erdê birêve dibe. Yek ji endizyariyên çavdêr dibêje, “Em nahêlin ku tu tevlihev an materyal derbas bibe heya ku em bi tevahî lihevhatina wê bi standardan re piştrast nekin. Kalîte li vir dest pê dike.”
Armancên Stratejîk
Armanca sereke ya vê laboratoryê, wekî ku rêveberiya projeyê piştrast dike, ew e ku toreke rêyan a bi kalîte bilind misoger bike ku bi salan bidome, lêçûnên lênêrînê yên pêşerojê kêm bike û beşdarî baştirkirina ewlehiya trafîkê bibe.
Bi rêya vê rêbazê, Laboratoy Cezîreyê beşdarî danîna bingehên rêyên nûjen dibe ku dikarin li hember şert û mercên avhewayê û zexta trafîkê li ber xwe bidin, û bandorek erênî li ser jiyana rojane ya gelan bike.
