Wek bersivek ji daxwazên dubare yên gel, Şaredariya Gel a bajarê Til Temir li Kantona Cezîrê kampanyayeke nû ya qîrê da destpêkirin da ku li gelek kolanên bajêr bi dirêjahiya giştî 650 m û stûriya wan 7 cm qîr bike. Armanca kampanê, tevgera trafîkê di nav taxan de hêsan bike, êşa gel sivik bike nemaze di zivistanê de dema ku baran û xirabûna rêyan dibin sedema zehmetiyên veguhestinê yên girîng.
Li gorî Rêveberiya Şaredariyê, ev destpêşxerî beşek ji planeke berfireh a 2025an e ku rêzek projeyên xizmetiyê dihewîne, di nav de nûjenkirina tora karîzan, lênêrîna rêyan, û projeyên xemilandinê yên ku pêwîstiyên bajar û gelên wê pêk tînin.
Xebatên qîrê çar ji komînên girîng ên bajêr di nav xwe de digirt: Komîna Şehîd Demhat, Komîna Şehîd Ebdulîlah, Komîna Şehîd Xebat û Komîna Şehîd Ibrahîm.
Şaredariyê tekez kir ku ev gav dê rasterast beşdarî hêsankirina tevgera trafîkê, kêmkirina belavbûna toz û heriyê, û baştirkirina paqijiya giştî di nav taxan de bibin
